قوستانايلىق كاسىپكەرلەر قىتايدا وتەتىن كورمەگە شاقىرتۋ الدى
قۇجاتقا سايكەس، تاراپتار ەكى ەل بيزنەسمەندەرى اراسىندا تىكەلەي ىسكەرلىك بايلانىستار ورناۋىنا سەپتەسىپ، ستراتەگيالىق ينۆەستورلار ىزدەۋدە بەلسەندى كومەك كورسەتەتىن بولادى. ونىڭ ۇستىنە، كاسىپكەرلەر پالاتاسى مەن «Huahe International» جاڭا، بىرلەسكەن كاسىپورىندار قۇرۋعا جاردەمدەسۋگە، سونداي-اق قازاقستان مەن قىتاي نارىقتارىنا تاۋارلار مەن قىزمەتتەردى وركەندەتۋگە كەلىستى.
كەلىسىم اياسىندا قوستانايلىق كاسىپكەرلەر اۋىل شارۋاشىلىق سالاسىنداعى ىنتىماقتاستىق بويىنشا ەكىنشى حالىقارالىق سەمينار-كورمەگە قاتىسۋعا رەسمي شاقىرۋ الدى. كورمە 2015-جىلعى 27-29- ناۋرىز ارالىعىندا ءۇرىمجى قالاسىندا وتەدى.
«بۇل كورمە - ءبىزدىڭ كاسىپكەرلەردىڭ ءوزىن، ءوزىنىڭ الەۋەتى مەن شىعاراتىن ءونىمىن كورسەتۋىنە، ءوز تاۋارلارىن وتكىزۋ نارىقتارىن كەڭەيتۋگە تاپتىرمايتىن مۇمكىندىك. قول جەتكىزگەن كەلىسىمدەردى ەسكەرە وتىرىپ، ۇيىمداستىرۋشىلار بۇل كورمەگە قوستاناي كومپانيالارىنىڭ قاتىسۋى ءۇشىن %20 جەڭىلدىكتى قاراستىردى. قازىردە ءبىز قاتىسۋعا وتىنىمدەر جيناپ، ءوڭىردىڭ بيزنەس-دەلەگاتسياسىن قالىپتاستىرۋدامىز»، - دەيدى قوستاناي وبلىسى كاسىپكەرلەر پالاتاسى حالىقارالىق جانە ءوڭىرارالىق ىنتىماقتاستىق ءبولىمىنىڭ باستىعى روبەرت يۋسۋپوۆ.
