فيليپپين مەن يندونەزيادان اكەلىنگەن كوبەلەكتەر الماتىلىقتاردى تاڭ- تاماشا ەتتى - فوتو

جاندى ەكسپوناتتار فيليپپين، يندونەزيا سياقتى تروپيكالىق ەلدەردەن اكەلىنگەن. قالا تۇرعىندارى مەن قوناقتارىنىڭ نازارىنا 9 ءتۇرلى جاندىكتەردىڭ 40 قا جۋىعى قويىلعان.

 سونداي-اق، كورمە بارىسىندا كەلۋشىلەر كوبەلەكتەردىڭ دەرناسىل كۇيىنەن قۋىرشاق كۇيىنە قالاي وتەتىنىن، قالاي دۇنيەگە كەلىپ، قالاي ءپىللادان جارىپ شىعاتىنىن تاماشالاي الادى. مامانداردىڭ ايتۋىنشا، تروپيكالىق كوبەلەكتەر نەبارى 7-10 كۇن عانا ءومىر سۇرەدى.

الايدا، ولاردىڭ ىشىندە فيليپپيننەن الدىرىلعان كاليگو تۇقىمىنىڭ دارالارى قولايلى كليمات جاعدايىندا 2 ايعا دەيىن ءومىر سۇرە الادى.

«ءار اپتا سايىن قازاقستانعا 200 گە جۋىق ءپىللا جىبەرىلەدى. ولارعا قولايلى كليماتتىق جاعداي جاساۋعا تىرىسامىز. اۋا تەمپەراتۋراسى 25-30 گرادۋس جىلى، ىلعالدىلىق 80 پايىزعا دەيىن جەتەدى. ءبىراق، ولاردىڭ ءبىرازى الىس جولدان تاسىمالداۋ كەزىندە ءولىپ قالىپ جاتادى. كەيبىرى اقاۋلارمەن تۋىلادى. كوبەلەكتەر قاناتىن جايسا 10-20 سانتيمەترگە دەيىن جەتەدى»، - دەدى كورمەنىڭ اكىمشىسى لەونيد لوگاچيەۆ.

كەشەدەن بەرى كورمەنى جۇزدەگەن الماتىلىق تاماشالادى. اسىرەسە، بالالاردىڭ قىزىعۋشىلىعىندا شەك جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى