الماتىدا موتوجارىستان الەم كۋبوگى وتەدى
بۇل تۋرالى بۇگىن قازاقپارات تىلشىسىنە قازاقستاننىڭ اۆتو موتو سپورت فەدەراتسياسىنىڭ باسپا ءسوز قىزمەتىنەن حابارلادى.
اتالمىش الەم كۋبوگى قىسقى سپيدۆەي بويىنشا وسىمەن 50- رەت وتكىزىلەتىن الەم چەمپيوناتىنىڭ بەس كەزەڭىنىڭ ءبىرى ەكەن. وعان ەۋروپانىڭ سەگىز مەملەكەتىنەن اتاقتى موتوشاباندوزدار كەلەدى دەپ كۇتىلۋدە. ءبىرىنشى كۇنى، ياعني 14- اقپاندا جارىس كەشكى ۋاقىتتا پروجەكتورلاردىڭ جارىعىمەن وتسە، ەرتەڭىنە فينالدىق جارىستار كۇندىزگى ۋاقىتتا وتەدى.
«الەم كۋبوگىنا قازاقستاننان ازىرگە ءبىر موتوشاباندوزدىڭ قاتىساتىندىعى بەلگىلى بولىپ وتىر. جالپى قاتىسۋشىلاردىڭ سانى ءالى ناقتىلانۋ ۇستىندە. جارىس كۇنى جاقىنداعاندا ولاردىڭ اتى- جوندەرى جاريا ەتىلەدى»، - دەپ حابارلايدى فەدەراتسيانىڭ باسپا ءسوز قىزمەتىنەن.
ايتا كەتەلىك، اتالمىش موتوجارىس الماتىدا سوڭعى رەت سوناۋ 1992 - جىلى وتكىزىلگەن ەكەن.
اۆتور: جاپپاربەرگەن ايبوتا
