قازاقستاندا ءبىر اي بويى ايەرو ۇتقىر اسكەرلەرىنىڭ مەرگەندەر دايارلىعىنا نازار اۋدارىلادى
«بۇل ساباقتاردا نەگىزىنەن «شۋسىز سوعىستاردى» جۇرگىزۋ ماسەلەسىنە باسا كوڭىل اۋدارىلاتىن بولادى. قازىرگى زامانعى سوعىستار مەن قارۋلى قاقتىعىستار تاريحى كورسەتكەندەي، كوبىنەسە وسى ونەر شەشۋشى ماڭىزعا يە. ساباقتاردىڭ نەگىزگى ماقساتى - مەرگەندەر بولىمشەلەرىنىڭ جەكە قۇرامىنا دايارلىق تاجىريبەسىن، ۇرىس قيمىلدارىن جۇرگىزۋ جانە قىسقى جاعدايدا بۇركەمەلەۋ ءتارتىبىن ۇيرەتۋ»، - دەلىنگەن ق ر قورعانىس مينيسترلىگىنىڭ مالىمەتىندە.
پوليگونداعى ساباقتارعا ايەرو ۇتقىر اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك رۋسلان مۇزدىبايەۆ جەتەكشىلىك جاسايدى. قىزمەت جىلدارىندا ول وفيسەرلىك قۇرامنىڭ بارلىق بۋىنىنان وتكەن، تاجىريبە الماسۋ ءۇشىن شەتەلدەردە بولعان وفيسەر. بىرنەشە مارتە حالىقارالىق دەڭگەيدەگى وقۋ- جاتتىعۋلارعا جەتەكشىلىك جاساعان. سونىمەن قاتار، جيىن بارىسىندا اتىس دايارلىعى، تاكتيكا، ينجەنەرلىك دايارلىق، توپوگرافيا، مەديسينالىق دايارلىق، بايلانىس جانە تاۋ دايارلىعى بويىنشا ساباقتار وتكىزىلەدى.
اۆتور: رۋسلان عابباسوۆ
