ءانشى بيبىگۇل تولەگەنوۆانىڭ قىزىنا ادام قاعىپ كەتكەنى ءۇشىن ايىپپۇل سالىندى
بۇل تۋرالى قالالىق سوتتىڭ باسپا ءسوز حاتشىسى قۋاندىق ەشىمەت حابارلادى.
«2015 - جىلدىڭ 8 - قاڭتارىندا الماتى قالاسى مامانداندىرىلعان اۋدانارالىق اكىمشىلىك سوتىنىڭ وندىرىسىنە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 468-1 بابىمەن جانە 469-بابىمەن گۇزەل تولةگةنإعا قاتىستى اكىمشىلىك ءىس ءتۇستى»، - دەدى ول.
ءىس ماتەريالدارىنا سايكەس، كولىك جۇرگىزۋشى گۇزەل تولەگەنوۆا 2014 - جىلى 8 - قاراشا كۇنى «شيەۆرولە» ماركالى اۆتوكولىگىمەن قۇرمانعازى كوشەسىمەن شىعىس باعىتتا كەلە جاتىپ شاعابۋتدينوۆ كوشەسىنىڭ قيىلىسىندا جاياۋ جۇرگىنشى ا. بايكۋلوۆانى قاعىپ كەتكەن.
جول- كولىك وقيعاسى سالدارىنان جاياۋ جۇرگىنشى ا. بايكۋلوۆانىڭ دەنساۋلىعىنا ورتاشا تۇردەگى زاقىم كەلتىرىلگەنى انىقتالعان.
«الماتى قالاسى مامانداندىرىلعان اۋدانارالىق اكىمشىلىك سوتى قۇقىق بۇزۋشى تولەگەنوۆا گۇزەلدى ق ر اكىمشىلىك قۇقىق بۇزۋشىلىق تۋرالى كودەكسىنىڭ 468-1 بابى بويىنشا كىنالى دەپ تانىپ، وعان 200- ايلىق ەسەپتىك كورسەتكىشتە ايىپپۇل سالۋ تۋرالى ۇكىم شىعاردى. ال قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 469-بابىمەن قوزعالعان اكىمشىلىك ءىستى اكىمشىلىك قۇقىق بۇزۋشىلىقتىڭ قۇرامىنىڭ بولماۋىنا بايلانىستى ءىس سوت وندىرىسىمەن قىسقارتىلدى»، - دەپ قورىتىندىلادى ق. ەشىمەت.
اۆتور: گۇلميرا عوسمانالي
