ق ر پرەمەر- ءمينيسترى ۇلتتىق كاسىپكەرلەر پالاتاسىنىڭ كەزەكتەن تىس قۇرىلتايىنا قاتىسادى
«وندا ءبىز سۇراقتاردىڭ ەكى باعىتىن قاراستىراتىن بولامىز. قازىر ەلدىڭ ەڭ نەگىزگى ەكسپورتتىق پوزيتسيالارىمىز، ونىڭ ىشىندە مۇناي باعاسىنىڭ ەكى ەسەگە دەيىن تومەندەۋىنەن مەملەكەت الدىندا، ەكونوميكا مەن بيزنەس الدىندا ۇلكەن مىندەتتەر تۇر. مۇناي باعاسى قۇلدىراۋىن توقتاتار ەمەس. ەشكىم ونىڭ قاشان اياقتالاتىنىن دا بىلمەيدى»، - دەيدى ول.
وسى ماسەلەنىڭ ىشىندە ەۋرازيالىق ەكونوميكالىق وداق مەملەكەتتەرىنىڭ ساۋدا قاتىناستارىنا اسەر ەتەتىن رەسەي فەدەراتسياسىنىڭ ەكونوميكالىق احۋالى دا تالقىلانباق.
«بۇل شاقىرۋلاردىڭ بارلىعىن ءبىزدىڭ وبلىستاعى دەلەگاتتارمەن جانە بيزنەس قاۋىمداستىقتارمەن بىرگە ورتاعا سالعىمىز كەلەدى»، - دەدى ول.
ا. مىرزاحمەتوۆتىڭ حابارلاۋىنشا، ۇلتتىق كاسىپكەرلەر پالاتاسى ق ر ۇكىمەتىنە ءبىرقاتار ۇسىنىستار جولداماق.
«ءبىز ق ر پرەمەر- ءمينيسترىن جانە ءبىرقاتار مينيسترلەردى شاقىردىق. ولار ءبىرىنشى كۇنى بولاتىن سەكسيالىق تالقىلاۋلارعا قاتىسادى. پلەنارلىق وتىرىستا ءبىز ۇكىمەتكە ءوز پىكىرلەرىمىزدى جەتكىزىپ، ۇسىنىستارىمىزدى ايتامىز»، - دەپ اتاپ ءوتتى ءتوراعا.
