وڭتۇستىك قازاقستان وبلىسىنىڭ كۇركەتاۋىعى ت م د- دا ۇزدىك دەپ تانىلدى
«شەتەل ساراپشىلارى ءونىمنىڭ ءوندىرىسى مەن ساپاسىنا قاتىستى يننوۆاتسيالىق قادامدى باعالادى. بۇل ناگرادا ءبىز ءۇشىن وتە ماڭىزدى. ءبىزدىڭ ديەتالىق ەتىمىزدى تاماق تالعامپازدارىنىڭ باعالاعانى قۋانتارلىق جايت. ءبىر جاعىنان، ءبىز سەنىمدى بولدىق، سەبەبى تاۋىقتارعا ءبىز ءوز شارۋالارىمىز وسىرگەن بيداي، جەمدى بەرەمىز. ءوز جۇگەرىمىزدى، سويامىزدى، ءوز وسىمدىك مايىمىزدى پايدالانامىز»، - دەدى قۇس كەشەنىنىڭ ديرەكتورى مۇرات تاعايەۆ.
ونىڭ ايتۋىنشا، كۇركەتاۋىقتارعا جەمدى وزدەرى دايىندايدى. ساپالى شيكىزات، جۇكتەمە مەن قايتا وڭدەۋ بارىسىن قاتاڭ باقىلاۋ ءنارلى ەت الۋعا مۇمكىندىك بەرەدى. دايىن ءونىمدى كومپانيا مامانداندىرىلعان دۇكەندەردە ساتادى.
بۇدان باسقا، كومپانيا كۇركەتاۋىقتان سوسيسكا، ساردەلكا جانە ت. ب. ەت ونىمدەرىن وندىرەدى. بۇگىندە زاۋىت جىلىنا 10 مىڭ توننا كۇركەتاۋىق ەتىن شىعارادى. مۇنى 20 مىڭ توننانعا جەتكىزۋ جوسپارلانۋدا. كاسىپورىن ءونىم تۇرلەرىن ۇلعايتۋعا نيەتتى.
