ءجيى قان تاپسىراتىن ادام جۇرەك اۋرۋىنان امان بولادى
ءبىز ءۇشىن بۇل قان قىزمەتىندەگى كوپ كورسەتكىش بولىپ كورىنگەنمەن، 100 پايىز قاجەتتىلىكتى وتەۋ ءۇشىن تىم از كورىنەدى، دەپ جازادى «الماتى اقشامى» باسىلىمى.
گازەت ءتىلشىسى ن. بايساقالدىڭ جازۋىنشا، قازىرگى تاڭدا بىزدە 1000 اۋرۋعا 18 دونوردان كەلەدى.
«قان تاپسىرۋ - ادام دەنساۋلىعىنا وتە پايدالى. ءجيى قان تاپسىرىپ تۇراتىن ادامدار اراسىندا جۇرەكتىڭ يشەميالىق اۋرۋلارى وتە سيرەك كەزدەسەدى، قاننىڭ قىزىل جاسۋشالارى جاڭارىپ وتىرادى. سونداي-اق، ۇلپالىق مەتابوليزمدى جانە گاز الماسۋدى جاقسارتادى. يممۋنيتەتى جاقسارادى. قان اينالىمىنداعى توكسيندەردىڭ جويىلۋىنا مۇمكىندىك بەرەدى.
كوبىنەسە ءبىز قاندى تۋعان-تۋىستارىمىز، بولماسا، جاقىن جاندارىمىز اۋىرىپ نەمەسە قايعىلى جاعدايعا تاپ بولعان جاعدايلاردا تاپسىرامىز، ال جالپى كەز كەلگەن ادام ءوز ەركىمەن قان تاپسىرىپ، دونور بولۋىنا بولادى. دونور دەگەن ءسوزدىڭ سىيلاۋ دەگەن ماعىنانى بىلدىرەتىنىن ەسكەرسەك، قان تاپسىرۋ ارقىلى باسقا ادامعا ءومىر سىيلايتىنىمىزدى ۇمىتپاعان ءجون. ادامعا ءومىر سىيلاۋدان اسقان قانداي قايىرىمدىلىق بولسىن»، - دەيدى الماتى قالالىق قان ورتالىعىنىڭ دونور جيناقتاۋ ءبولىمىنىڭ مەڭگەرۋشىسى، ەكىنشى ساناتتى ترانسفۋزيولوگ-دارىگەر امانكەلدى مۇراتبەكوۆ اتالعان ماقالا بويىنشا باسىلىمعا بەرگەن سۇحباتىندا.
