استانادا يتاليا مۋزىكاسىنىڭ كەشى وتەدى
وركەستر قۇرامىندا تالانتتى جاس سوليستەر، قازاق ۇلتتىق ونەر ۋنيۆەرسيتەتىنىڭ، قۇرمانعازى اتىنداعى قازاق ۇلتتىق كونسەرۆاتورياسىنىڭ جانە ت م د- داعى الدىڭعى قاتارلى جوعارعى وقۋ ورىندارىنىڭ ۇستازدارى مەن تۇلەكتەرى جۇمىس ىستەيدى. وركەستردىڭ كوپتەگەن ارتيستەرى رەسپۋبليكالىق جانە حالىقارالىق كونكۋرستاردىڭ لاۋرەاتتارى مەن گران-پري يەگەرلەرى.
وركەستر نەگىزى قالانعان كۇننەن باستاپ، قالا كولەمىندە عانا ەمەس، قازاقستان ايماقتارىندا دا مۋزىكالىق-اعارتۋشىلىق قىزمەت اتقارىپ، سايىستار مەن حالىقارالىق ۇرلەمەلى اسپاپتار وركەسترلەرىنىڭ فەستيۆالدەرىنە قاتىسادى قاراعاندى «مۋزىكالىق سارىارقا» فەستيۆالى، استانا قالاسى ۇرلەمەلى اسپاپتار وركەسترلەرىنىڭ پارادى، «استانا سامالى» فەستيۆالى، نوۆوسيبيرسك قالاسى ۇرلەمەلى اسپاپتار وركەسترلەرىنىڭ حالىقارالىق فەستيۆالدەرى. وركەستر تىڭدارماندارىن ۇرلەمەلى اسپاپتار وركەسترىنە ارنالعان بىرەگەي شىعارمالار، ورىس جانە شەتەل مۋزىكاسىنىڭ وزىق ۇلگىلەرىمەن تانىستىرادى.
20- قاڭتارداعى «يتاليا مۋزىكاسىنىڭ كەشى» كونسەرتتىك باعدارلاماسىندا وركەستر تىڭدارمان نازارىنا يتاليان كومپوزيتورلارىنىڭ شىعارمالارىن ۇسىنادى.
ال، 22- قاڭتاردا «استانا» ۇلتتىق سۋرەت گالەرەياسىندا قازاقستاننىڭ تانىمال كامەرالىق انسامبلدەرىنىڭ ءبىرى، ع. جۇبانوۆا اتىنداعى مەملەكەتتىك ىشەكتى اسپاپتار كۆارتەتى ونەر كورسەتەتىن كامەرالىق اسپاپتىق مۋزىكاعا ارنالعان كەش وتەدى.
