اباي بايگەنجين «مەديتسينا مارشالى» اتاندى

«عىلىم سالاسىنداعى كورنەكتى جەتىستىكتەر ءۇشىن 2012-جىلى ءبىزدىڭ ورتالىققا التىن «ناپولەون مەدالى» بەرىلدى. بۇل العاشقى قادام بولدى. فرانسيا مەملەكەتى ەندىگى كەزەكتە ەڭبەگىمىزدى ەلەپ، ناپولەون وردەنىنە ۇسىندى. مۇنداي سىيلىقتاردى بۇعان دەيىن شۆەيتساريا مەن  ۇلى بريتانيادان العان ەدىك. ەۋروپا مەن باتىس ەلدەرىنىڭ ەڭبەگىمىزدى مويىنداۋى ارينە، - قۋانىشتى جايت. جالپى العاندا، بۇل - قازاقستاننىڭ مەديتسينا سالاسىنداعى جالپى جەتىستىگىن مويىنداۋى»، - دەدى اباي بايگەنجين.

ناپولەون وردەنى - ەكونوميكا، ءبىلىم جانە مەديتسينا سالاسىنداعى ەرەكشە ەڭبەگى ءۇشىن بەرىلەتىن بەدەلدى جۇلدە. ول 1801-جىلى ناپولەون بوناپارتتىڭ دەكرەتى بويىنشا تاعايىندالعان. بۇل وردەن 1886-جىلى گۋستاۆو ەيفەلگە (ءوزى اتتاس مۇنارا قۇرىلىسى ءۇشىن)، 1833-جىلى بەن فۋرنەيروعا (گيدراۆليكالىق تۋربينانى ويلاپ تاپقانى ءۇشىن)، 1873-جىلى لۋي پاستەرگە (ءوزىنىڭ ەسىمىن يەلەنگەن فەرمەنتيزاتسيا ءۇردىسىن ويلاپ تاپقانى ءۇشىن) تابىس ەتىلگەن. قازىرگى ۋاقىتتا اتالعان جۇلدەگە يە بولعانداردىڭ قاتارىندا «ميشلەن»، «پەجو»، «داسسو»، «ماترا»، «رەنو» سياقتى الەمگە ايگىلى كومپانيالاردىڭ جەتەكشىلەرى، ونىڭ ىشىندە ۇلتتىق جانە حالىقارالىق دەڭگەيدە جەتىستىكتەرگە قول جەتكىزگەن پەرسپەكتيۆالى كومپانيالاردىڭ باسشىلارى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى