باسپانا قۇنى يپوتەكا بەرۋدىڭ توقتاۋىنا بايلانىستى ارزانداۋى مۇمكىن
بۇل تۋرالى Tengrinews.kz تىلشىسىنە استاناداعى جىلجىمايتىن مۇلىك ساراپشىسى رۋسلان ۋنگەفۋگ ايتتى. الايدا ساراپشى باعانىڭ قانشالىقتى تومەندەيتىنى تۋرالى ناقتى جاۋاپ بەرە المادى.
ءبىراق بۇل جاعداي استاناداعى باسپانالاردىڭ باعاسىنا اسەر ەتپەيتىنىن ايتتى، سەبەبى وندا باسپاناعا دەگەن سۇرانىس وتە جوعارى.
ەسكە سالا كەتەيىك، قازىرگى تاڭدا قازاقستاننىڭ ءبىرقاتار بانكى تەڭگەمەن يپوتەكا بەرۋدى توقتاتقان بولاتىن. بانكتەردىڭ ءبىرى نەسيە بەرۋ جۇيەسىنىڭ قاڭتاردىڭ 20 سىنان كەيىن قالىپقا كەلەتىنىن حابارلادى.
ساراپشىنىڭ ايتۋىنشا، قازىر يپوتەكا باسپانا الۋ ءۇشىن قول جەتىڭكىرەمەيتىن قۇرال بولىپ تۇر، ەگەر يپوتەكا بەرۋ توقتايتىن بولسا ساتىپ الۋ-ساتۋ كەلىسىمدەرىنە اسەر ەتىپ، ونىڭ قاتارى ازايادى. ساراپشىنىڭ سوزىنە قاراعاندا، اسىرەسە ايماقتاردا يپوتەكالىق قارىزداردىڭ بەلگىسىزدىگىنە بايلانىستى جىلجىمايتىن مۇلىك ساتىپ الۋعا سۇرانىس ەداۋىر ازايعان. ۋنگەفۋگتىڭ مالىمدەۋىنشە، قازاقستانداعى قازىرگى جىلجىمايتىن مۇلىك نارىعى ءتارتىپ بويىنشا جۇمىس ىستەپ تۇر، جىلجىمايتىن مۇلىكتى ساتىپ الۋعا قاتىستى كەلىسىمدەر از بولسا دا بار، ولاردىڭ كەيبىرى يپوتەكانىڭ كومەگىمەن جۇزەگە اسىپ جاتىر.
ساراپشىنىڭ ايتۋىنا قاراعاندا، قازاقستاندا يپوتەكاعا باسپانا الاتىندار مەن قولما-قول اقشاعا ساتىپ الاتىنداردىڭ سانى باسپانانىڭ سەگمەنتىنە بايلانىستى. قازاقستاندا باسپانا ساتىپ الاتىنداردىڭ 60 پايىزى قولما-قول اقشا تولەسە، 40 پايىزى يپوتەكاعا الادى.
ءبىراق كەيبىر وڭىرلەردە يپوتەكاعا الاتىنداردىڭ قاتارى بارلىق كەلىسىمنىڭ 50 پايىزىنان اسىپ تۇسەدى. ءبىراق ساراپشىنىڭ ايتۋىنا قاراعاندا، سوڭعى كەزدەرى قازاقستاندا قاراجاتىن ساقتاپ قالۋ ءۇشىن جىلجىمايتىن مۇلىك ساتىپ الاتىندار كوبەيگەن.
ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتتەرى بويىنشا، وتكەن جىلدىڭ سوڭعى ءۇش توقسانىندا جىلجىمايتىن مۇلىك ساتىپ الۋ كەلىسىمدەرى 15 پايىزعا ازايعان. «بۇل ءۇردىستى وڭىرلەرگە قاراپ باقىلاي الامىز، سەبەبى ول جاقتاردان تەڭگە باعامىنداعى وزگەرىستەردىڭ سالدارى ءالى دە سەزىلەدى، باسپاناعا سۇرانىس وتە تومەن. قازىر پرەميۋم- كلاسس، ەليتالىق جانە ءوتىمسىز باسپانالاردى ساتۋ وتە قيىن. ال جىلجىمايتىن مۇلىكتىڭ ءوتىمدى نىساندارى مەن ينۆەستيتسياعا تارتىمدى نىساندارعا سۇرانىس ءالى دە تۇراقتى. كوبىنە 1-2 بولمەلى، شارشى كولەمى تىم ۇلكەن ەمەس ەكونوم-كلاسس باسپانالارى ساتىپ الىنادى. ال ەليتالىق جانە پرەميۋم-كلاسس باسپانالارىن ساتىپ الۋ كەلىسىمدەرى وتە سيرەك جاسالادى، ءتىپتى ساتىپ الۋشىلاردىڭ بەلسەندىگى تومەندەپ بارادى. دەگەنمەن قازاقستانداعى جىلجىمايتىن مۇلىك قازاقستاندىقتار ءۇشىن قازىرگى تاڭداعى ەڭ ۇعىنىقتى جانە قولايلى ينۆەستيتسيالىق قۇرال»، - دەدى ۋنگەفۋگ.
