استانادا دۇنيەجۇزىلىك ۇيىمنىڭ اۋسىلعا قارسى ۇيلەستىرۋ كەڭەسى قۇرىلادى
ايتا كەتەرلىگى، 2013 - جىلدىڭ 16 - قازانىندا استانا قالاسىندا جاسالعان كەلىسىمگە سايكەس، استانا قالاسىندا جانۋارلاردىڭ اۋسىل اۋرۋى بويىنشا حالىقارالىق ەپيزووتيالىق بيۋروسىنىڭ سۋبوڭىرلىك ۇيلەستىرۋ كەڭسەسىن قۇرىلادى. حالىقارالىق كەڭسە جۇمىسى اۋسىل اۋرۋىنا باقىلاۋدى كۇشەيتۋگە، ايماقتىق دەڭگەيدە وسى اۋرۋمەن كۇرەسۋ بويىنشا ستراتەگيا مەن بىرىڭعاي ادىستەمەلەر جاساۋعا باعىتتالعان.
بۇدان بولەك، استانادا قۇرىلاتىن كەڭسە حالىقارالىق ەپيزووتيالىق بيۋرونىڭ ارنايى جانە ايماقتىق كوميسسيالارىمەن بىرلەسە وتىرىپ اۋسىلمەن كۇرەسۋ بويىنشا ورتالىق ازيا ايماعى اۋماعىندا ۆەتەريناريالىق قىزمەتتەردى بىرىكتىرۋدى قامتاماسىز ەتەدى.
بۇدان بولەك، كەڭسە جانىنان اۋسىل اۋرۋىنا قارسى ۆاكسينا بانكىن قۇرۋ كوزدەلەدى. بۇل رەتتە ورتالىق ازيا رەسپۋبليكالارى ءۇشىن ۆاكتسينالاۋ ماقساتىندا اۋسىلعا قارسى ساپالى ەكپەلەر ساتىپ الۋعا بيۋرو جىل سايىن گرانت ءبولۋدى قاراستىرادى.
ەسكە سالا كەتەيىك، قازاقستان 1993 - جىلدان باستاپ حالىقارالىق ەپيزووتيالىق بيۋرونىڭ مۇشەسى بولىپ تابىلادى.
زاڭ جوباسى پالاتانىڭ جالپى وتىرىسىنا شىعارىلادى.
اۆتور: قانات مامەتقازى ۇلى
