جول قوزعالىسى زاڭناماسىنداعى جاڭا ەرەجەلەر جەمقورلىققا سوقتىرادى - ءماجىلىس ءتوراعاسى

توقتالا كەتەتىن جايت، جيىن بارىسىندا دەپۋتات مەرۋەرت قازبەكوۆا جول قوزعالىسى تۋرالى جاڭا زاڭنىڭ نورمالارى قوعام اراسىندا ۇلكەن رەزونانس تۋدىرعانىن ايتىپ، سوعان قاتىستى ءبىرقاتار ۇسىنىستار جاساعان بولاتىن.

ءوز كەزەگىندە ءماجىلىس سپيكەرى قابيبوللا جاقىپوۆ زاڭنىڭ بۇنداي نورمالارىنا قاتىستى قۇجاتتى ازىرلەۋشىلەر مەن كوميتەت ءتوراعالارى تەرەڭىرەك بارۋى كەرەكتىگىن ايتتى.

«دەپۋتات قازبەكوۆا دۇرىس ايتادى، بۇل تىكەلەي سىبايلاس جەمقورلىققا اپارادى. بۇدان سوڭ، جاڭاعى اپتەچكالار شىعادى. وندا ءۇش داكە دەپ تۇر، ەكى داكە بولىپ شىقسا شە؟ ءتىپتى، سول ۇشەۋدىڭ ورنىنا ءبىر ۇلكەن داكە سالىپ قويسا نە بولادى؟ مىنە، مۇنداي جاعدايدىڭ ءبارى جول بويىندا تۇرعان سەرجانتتارعا سەپ بولادى. ەشكىم دە ەشتەڭەنى دالەلدەي المايدى عوي. ولار: «ءۇش داكە بولۋى كەرەك، قايدا؟» ، «12 جاسقا دەيىن اۆتو ورىندىق بولۋى شارت، قايدا؟» دەپ كەتە بەرەدى. بۇل ءبىزدىڭ جۇمىس كوميسسيامىزدىڭ كەمشىلىگى»، - دەدى ق. جاقىپوۆ.

جيىن بارىسىندا دەپۋتات مەرۋەرت قازبەكوۆا جول قوزعالىستارىنا قاتىستى جاڭا ەرەجەلەرگە توقتالا كەلە، وندا كولىك جۇرگىزۋشىلەرىنە 12 جاسقا دەيىنگى بالالاردى ارنايى ۇستاپ قالاتىن قۇرىلعىسىز الىپ جۇرۋگە تىيىم سالاتىن نورماعا ەرەكشە نازار اۋداردى. «اق جول» پارتياسى فراكسياسىنىڭ اتىنان ول جوعارىدا ايتىلعان نورمالاردى جۇزەگە اسىرۋ ءۇشىن جانە اۆتو ورىندىقتارمەن قامتاماسىز ەتۋ ءۇشىن 12 ايلىق مەرزىمگە وتپەلى كەزەڭ بەلگىلەۋدى ۇسىندى. سونىمەن قوسا، كورسەتىلگەن مەرزىم ىشىندە زاڭنىڭ وسى نورماسىن قايتا قاراپ، ونىڭ ىشىندە 6 جاسقا دەيىنگى بالالاردى اۆتوورىندىقتارمەن قامتۋعا قاراي جەڭىلدەتۋدى، ال 6-12 جاسقا دەيىنگى ارالىقتا بۇل نورما مىندەتتى ەمەس، ۇسىنىس رەتىندە قاراستىرىلۋى كەرەكتىگى تۋرالى ۇسىنىسىن ءبىلدىردى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى