بەيجىڭ شەت تىلدەر ۋنيۆەرسيتەتى جانىنان جىبەك جولى زەرتتەۋ ينستيتۋتى اشىلدى
جاڭا قۇرىلىم جىبەك جولى ەكونوميكالىق بەلدەۋىن جانە ХХІ عاسىردا تەڭىزدىك جىبەك جولىن قۇرۋدا ستراتەگيالىق «يدەيالار ۇستاحاناسى» بولۋى ءتيىس.
تاڭداۋدىڭ وسى وقۋ ورنىنا ءتۇسۋى كەزدەيسوق ەمەس. بەيجىڭ شەت تىلدەرى ۋنيۆەرسيتەتى ەلدىڭ اتاقتى جوعارى وقۋ ورىندارىنىڭ ءبىرى، وندا بىلىكتى كادرلار، سونىڭ ىشىندە شەت تىلدەر ماماندارى دايارلانادى. مۇندا 64 ءتىل، سونىڭ ىشىندە ەۋرو وداقتىڭ 23 رەسمي ءتىلى وقىتىلادى. سونىمەن بىرگە، ۋنيۆەرسيتەت اكادەميالىق جانە زەرتتەۋ بازاسىمەن ەرەكشەلەنەدى.
ۋنيۆەرسيتەت رەكتورى پەن لۋن جىبەك جولى ينستيتۋتىنىڭ ديرەكتورى بولدى. جاڭا ينستيتۋتتىڭ اشىلۋىنا وراي وتكەن فورۋمدا ول قۇرىلىمنىڭ قىتايدىڭ جىبەك جولى بويىنداعى ەلدەرمەن ىنتىماقتاستىعىن جولعا قويۋعا كومەكتەسۋى ءۇشىن قۇرىلعانىن اتاپ ءوتتى، سونىمەن قاتار شەت ەلدەرگە قىتاي رەفورمالارى جانە ەلدىڭ دامۋ جولى تۋرالى مولىراق بىلۋىنە مۇمكىندىك جاسالماق.
