ۇلتتىق مۋزەيگە بەلگىلى جىراۋ ت. ىزتىلەۋوۆ اۋدارعان «شاھناما» داستانىنىڭ مۋزىكالىق انتولوگياسى سىيعا تارتىلدى - فوتو
ق ر ۇلتتىق مۋزەيىنىڭ ديرەكتورى «رەسپۋبليكالىق «كازاحستانسكايا پراۆدا» گازەتى» ا ق باسقارما ءتوراعاسى الەكساندر تاراكوۆتى جانە باسىلىم ۇجىمىن گازەتتتىڭ 95 جىلدىق مەرەيتويىمەن قۇتتىقتادى.
جۋرناليستتەر ەلىمىزدىڭ باستى مۋزەيى تۋرالى اقپارات پەن ءوز سۇراقتارىنا تولىق جاۋاپتار الدى.
سونىمەن قاتار، دارحان مىڭباي مىناداي ماڭىزدى مالىمدەمە جاسادى. «تاياۋدا «ۇلتتىق مۋزەيگە سىي» اتتى اكسيا باستالادى. بۇل اكسيانىڭ ماقساتى قازاقستان رەسپۋبليكاسى ۇلتتىق مۋزەيىنە قۇندى تاريحي ارتەفاكتتاردى ەلىمىزدىڭ تۇرعىندارىنىڭ تەگىن تابىستاۋىن ۇيىمداستىرۋ. ءبىز بۇل اكتسيانى كەڭىنەن جانداندىرىپ سىيعا تارتۋشىلار تۋرالى مالىمەتتەردى جاريالايتىن بولامىز. ءبىزدىڭ مىندەتىمىز - ءتۇسىندىرۋ جۇمىستارىن جۇرگىزىپ، حالىقتىڭ مادەني دەڭگەيىن كوتەرۋ. ءبىز قازاقستاندىق وتباسىلاردىڭ اراسىندا ساقتالىپ، ۇرپاقتان ۇرپاققا بەرىلىپ كەلە جاتقان جادىگەرلەردىڭ ءتيىستى دەڭگەيدە ساقتالماي جوعالىپ كەتۋى مۇمكىن ەكەنىن ايتقىمىز كەلەدى. ۋاقىت وتكەن سايىن بارلىق ماتەريالدار وزگەرىسكە ءتۇسىپ ءبۇلىنىپ جاتادى. ال بىزدە ولاردى ساقتاۋعا جانە كورسەتۋگە بارلىق جاعدايلار جاسالعان»، - دەدى د. مىڭباي.
گازەتتىڭ قىزىلورداداعى مەنشىكتى ءتىلشىسى يۋريي لي ۇلتتىق مۋزەيگە وبلىستىڭ اكىمشىلىگى اتىنان بەلگىلى جىراۋ تۇرماعامبەت ىزتىلەۋوۆتىڭ 1936 - جىلى قازاق تىلىنە اۋدارعان فيردوۋسيدىڭ «شاھناماسىنىڭ» مۋزىكالىق انتولوگياسىن سىيعا اكەلدى. HD نۇسقاداعى 48 ديسكىدەن تۇراتىن ۇزاقتىعى 68 ساعاتتىق داستاننىڭ اۋديو نۇسقاسىن جاساۋ ءۇشىن 22 جىراۋ ەڭبەك ەتكەن.
قوناقتار ءۇشىن ەكسكۋرسيا جۇرگىزىلدى.
ەسكە سالا كەتەيىك، مۋزەيدە جالپى سانى 160888 ەكسپونات بار. ولاردىڭ ىشىنەن 12847 ەكسپونات مۋزەي زالدارىنا قويىلعان. 148041 ەكسپونات مۋزەيدىڭ قورساقتامالارىندا ساقتاۋلى. 39400 ەكسپونات - ۋاقىتشا ساقتالاتىن ەكسپونات.
ۇلتتىق مۋزەي اشىلعان 2014 - جىلدىڭ 2 - شىلدەسىنەن 2014 - جىلدىڭ 31 - جەلتوقسانىنا دەيىن مۋزەيگە 124618 ادام كەلدى، ولاردىڭ اراسىندا اۆستراليا، اۆستريا، ۇلى بريتانيا، يسپانيا، ق ح ر، يتاليا، ب ا ءا، رەسەي سىندى جانە ت. ب. 32 شەتەلدەرى دە بار. 3596 ەكسكۋرسيا جۇرگىزىلدى. مۋزەيدە 12 ەكسكۋرسيا جەتەكشىلەرى جۇمىس جاسايدى. ەكسكۋرتسيا 4 تىلدە جۇرگىزىلەدى (قازاق، ورىس، اعىلشىن، قىتاي).
شەتەلدىك مۋزەيلەر مەن مۋزەي ۇيىمدارىمەن 17 ىنتىماقتاستىق مەموراندۋمى جاسالدى.
2014 - جىلى 9 كورمە (ونىڭ ىشىندە بەسەۋى حالىقارالىق) جانە 8 كونفەرەنسيا جانە باسقا دا عىلىمي شارالار وتكىزىلدى.
