ق ر قارۋلى كۇشتەرى وقۋ-جاتتىعۋ دابىلىنىڭ بەلگىسى بويىنشا جوعارى ازىرلىك دەڭگەيىنە كەلتىرىلدى - فوتو
«باس شتابتىڭ كومانداسى بويىنشا قۇرلىق اسكەرلەرىنىڭ توپتاماسى وقۋ-جاتتىعۋ ورتالىقتارى مەن پوليگونداردا جاتتىعۋ-جاۋىنگەرلىك مىندەتتەردى اتقارۋعا كىرىستى. بۇل ءىس-قيمىلدارعا 4 مىڭعا جۋىق قارۋ-جاراق پەن اسكەري تەحنيكا تارتىلدى»، دەلىنگەن حابارلامادا.
اۋە قورعانىسى كۇشتەرى قۇرامىنان جاۋىنگەرلىك كەزەكشىلىك اتقاراتىن كۇشتەر مەن قۇرالدار اۋەگە كوتەرىلىپ، 100 دەن استام ءتۇرلى اۆياتسيالىق تەحنيكانىڭ قوزعالتقىشتارى ىسكە قوسىلدى، زاپاس اۋەايلاقتار پايدالانۋعا ازىرلەندى. اسكەري-تەڭىز كۇشتەرىنىڭ كەمەلەرى كەمەگە قارسى، اۋە شابۋىلىنا قارسى، سۋ استى ديۆەرسياسىنا قارسى وقۋ-جاتتىعۋ مىندەتتەرىن پىسىقتاۋ ءۇشىن تەڭىزگە شىقتى.
قارۋلى كۇشتەر توپتاماسىىنا جالپى باسشىلىقتى ستراتەگيالىق باسقارۋ ورتالىعىنان ق ر قارۋلى كۇشتەرى باس شتابىنىڭ باستىعى، گەنەرال-پولكوۆنيك ساكەن جاسۇزاقوۆ جۇرگىزدى.
جۇرگىزىلگەن ساباقتاردىڭ ماقساتى - باسقارۋ ورگاندارى مەن جەكە قۇرامنىڭ قويىلعان مىندەتتەردى بەلگىلەنگەن مەرزىمدە اتقارۋداعى ۇيلەسىمدىلىگىن ارتتىرۋ بولىپ تابىلادى.
