ا ق ش- تى پاناسىز، تۇرمىسى تومەن جانداردىڭ تاعدىرى الاڭداتىپ وتىر
مالىمەتتەرگە سەنسەك، ءاربىر ءجۇزىنشى امەريكالىقتىڭ باسىندا تۇراقتى پاناسى جوق. جۇرتتىڭ مۇنداي كۇيگە دۋشار بولۋى، ەكونوميكالىق قيىندىقتارمەن تۇسىندىرىلەدى.
ءۇيسىز- كۇيسىز، جۇمىسسىز جانداردىڭ جاعدايى قازىر ا ق ش- تاعى ەڭ كۇردەلى ماسەلەگە اينالىپ بارادى. ەلدەگى گۋمانيتارلىق ۇيىمداردىڭ پىكىرىنشە، ۇكىمەت ونداي ادامداردىڭ ماسەلەسىن شەشۋگە جەتكىلىكتى قاۋقار تانىتا الماي وتىر. ياعني امەريكالىق زاڭ حالىقتىڭ ءالجۋاز توبىنا كومەك كورسەتپەك تۇگىلى، ولاردىڭ وڭالىپ كەتۋىنە مۇمكىندىك ۇسىنا الماي كەلەدى. وزگە شتاتتاردان بۇرىن ەل استاناسى ۆاشينگتونداعى جاعدايدىڭ ءوزى تىم قيىن كۇيدە قالىپ وتىر.
دۇنيەجۇزىلىك بانك عيماراتىنىڭ الدىنداعى ساياباق ادەتتە تۇراقتى مەكەنجايى جوق جانداردىڭ قۇتتى قونىسى. قالاعا قار ءتۇسىپ، كۇن سۋىتقاننان بەرى ولاردىڭ كوپشىلىگى جىلى جەر ىزدەپ، ءار بۇرىشقا تاراپ كەتكەن. ءبىراق ونداي ادامداردى ىشىمدىككە سالىنىپ، قايىر تىلەپ، ياكي پاناسىز قالعاندارمەن شاتاستىرۋعا بولمايدى.
مىسالى، 54 جاستاعى لەنس دجونسون - اسكەري- تەڭىز كۇشتەرىنىڭ بۇرىنعى قىزمەتكەرى. 3 بالانىڭ اكەسى. الدىمەن جۇمىسىن جوعالتتى، سوسىن ايەلىمەن اجىراستى، اقىرى وسى كۇيگە تاپ بولدى. قول- اياعى بالعاداي اتپال ازامات: «مەملەكەتكە پايدام تيسە ەكەن» ، - دەيدى. ءبىراق ۇلكەن مۇمكىندىكتەر ەلىندە مۇمكىندىكتىڭ ءوزى شەكتەۋلى ەكەنىنە ناليدى ول.
لەنس دجونس، ا ق ش ازاماتى :
سەيسەنبى، بەيسەنبى كۇندەرى جۋىنىپ، كوجە ءىشىپ، ءتاتتى، دامدىلەر جەيمىز. مۇنى تەك قايىرىمدىلىق قورلارى ۇيىمداستىرادى. الايدا ونداي كەزدەرى بىزگە ءتىپتى جۇمىسى بار، از قامتىلعان وتباسى مۇشەلەرى دە قوسىلىپ كەتەدى. ياعني ولاردىڭ مەملەكەتتەن الاتىن جاردەماقىسى مەن زەينەتاقىسى ءۇيىنىڭ جالداما اقىسىن تولەۋدەن ارىگە اسپايدى. ال تاماقتانۋىنا اقشا تىپتەن جەتپەيدى.
سۋ جاڭا كۇرتەشە، گيگيەنالىق قۇرالدار، ىدىس- اياق پەن جەڭىل ازىق- تۇلىك. لەنسكە مۇنىڭ ءبارىن وسى ارامەن وتكەن- كەتكەندەر نەمەسە قايىرىمدىلىق ۇيىمدارى بەرىپ كەتەدى ەكەن. جىگىت اعاسى ءوزى دە قاتارلاستارىنا جومارتتىق تانىتقىسى كەلەدى.
- جاقىندا مىنانداي جاپ- جاڭا كورپەشەگە يە بولدىم. ءتىپتى مىنەكي، زات بەلگىسىنە دەيىن تۇر. ماعان قاجەتى جوق، تاعى بىرەۋلەرگە بەرە جاتارمىن.
ءدال وسى كوشەنىڭ بويىمەن ا ق ش پرەزيدەنتى باراك وباما ءجيى وتەدى. مۇنداعى جاعداي بيلىك باسىنداعىلارعا جاقسى تانىس بولعانىمەن، ۇكىمەت ءتيىمدى تەتىكتەر ۇسىنا الماي كەلەدى. دۇنيەجۇزىلىك بانك قىزمەتكەرى نايما ءحازدجيدىڭ پىكىرى وسىنداي.
بانك قىزمەتكەرلەرى وسى اراعا ءجيى كەلىپ، پاناسىز جانداردىڭ جاعدايىن ءبىلىسىپ تۇرادى.
نايما حازدجي، دۇنيەجۇزىلىك بانك قىزمەتكەرى:
بايقاساڭىز، پەنسيلۆانيا اۆەنيۋىنىڭ بويىندا تۇرمىز. اق ۇيگە اياق اتتام جەردەمىز، ورتادا - دۇنيەجۇزىلىك بانك. وكىنىشكە قاراي ءدال وسىنداي جەردەن جاعدايى مۇشكىل جانداردىڭ پانا تابۋى ا ق ش- تىڭ اتىنا جاقسى ەمەس. بۇل دەگەنىمىز مەملەكەت تاراپىنان ءتيىستى باعدارلامالاردىڭ جەتكىلىكسىزدىگىن كورسەتسە كەرەك.
بۇگىندە ۆاشينگتون جان باسىنا شاققاندا پاناسىز جانداردىڭ سانى جاعىنان ا ق ش- تا كوش باستاپ تۇر. سەبەبى باسپانا قولجەتىمسىز، الەۋمەتتىك قىزمەتتەر جەتىسپەيدى جانە كەدەيشىلىك دەڭگەيى تىم جوعارى. ەلدەگى تۇرعىن ءۇي قۇرىلىسى مينيسترلىگىنىڭ سوڭعى مالىمەتىنشە، قالادا ءاربىر 100 مىڭ تۇرعىنعا 1133 پاناسىزدان ەسەپتەلەدى ەكەن.
khabar.kz
