پاريجدىڭ ورتالىعىنداعى تىلشىلەردى ولتىرگەن قىلمىسكەرلەر فرانسيانىڭ سولتۇستىگىنەن تابىلدى
جەرگىلىكتى باسىلىمداردىڭ مالىمەتتەرىنە سۇيەنسەك، قىلمىسكەرلەر سۋىق قارۋمەن قارۋلانعان، دەپ حابارلايدى Bnews.kz.
قىلمىسكەرلەر كولىككە بەنزين قۇيىپ جاتقاندا ولاردى جانارماي بەكەتىنىڭ قىزمەتكەرى تانىپ قويعان. مۇنىڭ الدىندا فرانسيانىڭ ىشكى ىستەر ءمينيسترى بەرنار كازنيەۆ لاڭكەستىك اكتىگە قاتىسى بار دەگەن كۇدىكپەن 7 ادامدى ۇستاعان بولاتىن. ال نەگىزگى كۇدىكتى اعايىندى كۋاشي ءالى كۇنگە بوستاندىقتا ءجۇر.
Le Figaro گازەتى تاراتقان اقپاراتقا سۇيەنسەك، تۇتقىندالعان 7 ازاماتتىڭ اراسىندا شەريف كۋاشيدىڭ اپكەسى مەن ونىڭ كۇيەۋى جانە سايد كۋاشيدىڭ جولداسى بار.
ەستەرىڭىزگە سالامىز، 7 - قاڭتار كۇنى پاريجدىڭ ورتالىعىنداعى Charlie Hebdo ساتيرالىق باسپا ءۇيىنىڭ كەڭسەسىنە باسىپ كىرگەن لاڭكەستەر «اللاھۋ اكبار» - لاپ، 12 ادامدى قىرىپ سالعان بولاتىن. بۇعان سەبەپ - رەداكسيا قىزمەتكەرلەرىنىڭ مۇحاممەد پايعامباردىڭ كاريكاتۋراسىن جاساپ، مۇسىلمانداردى كەلەمەجدەۋى ەدى.
