سەمەي مەن رەسەي شەكاراسى ارالىعىنداعى جول جابىلدى

«8 - قاڭتار كۇنى اۋا رايى جاعدايلارىنىڭ ناشارلاۋىنا بايلانىستى (بوران، كورىنۋ مۇمكىندىگىنىڭ ناشارلاۋى) سەمەي - رەسەي فەدەراتسياسىنىڭ شەكاراسى اۆتوجولىنىڭ 7 - 41-شاقىرىمدارى اۆتوكولىكتىڭ بارلىق ءتۇرى ءۇشىن جابىلدى»، - دەلىنگەن حابارلامادا.

ەسكە سالا كەتەيىك، بۇعان دەيىن شىعىس قازاقستاندا ءبىر كۇندە 143 ادام قار قۇرساۋىنان قۇتقارىلعانى حابارلانعان بولاتىن. شەمونايحا - وبا شەكارا وتكەلى (رەسەي اۋماعىنا كىرەتىن جەر) اۆتوجولىنىڭ 18-شاقىرىمىندا شىعىس قازاقستان وبلىستىق توتەنشە جاعدايلار دەپارتامەنتى مەن «قازاقاۆتوجول» رەسپۋبليكالىق مەملەكەتتىك كاسىپورنىنىڭ كۇشىمەن قار قۇرساۋىنان 117 ادام قۇتقارىلدى، ولاردىڭ اراسىندا بەس بالا بار. 19 اۆتوكولىك پەن ءۇش اۆتوبۋس قار استىندا قالعان.

سينوپتيكتەر بۇل وبلىستا الداعى كۇندەرى جەل كۇشەيىپ، قار جاۋادى، بوران سوعىپ، اياز بولادى دەگەن بولجام جاساپ وتىر. سوندىقتان شقو ىشكى ىستەر دەپارتامەنتى ازاماتتاردان اۋا رايى بولجامدارىن تىڭداپ، قار قۇرساۋىندا قالىپ قالماۋ ءۇشىن الىس جولدارعا شىقپاۋدى ەسكەرتىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى