الماتىدا بەلگىلى ساۋلەتشى رۇستەم سەيدالين قايتىس بولدى

بۇل تۋرالى مارقۇمنىڭ ارىپتەستەرى حابارلادى.

سەيدالين رۇستەم ابباس ۇلى 1927 - جىلدىڭ 24 - تامىزىندا  قىزىلوردا وبلىسىندا دۇنيەگە كەلگەن. 1951 - جىلى ماسكەۋ ارحيتەكتۋرالىق ينستيتۋتىن ءتامامداعان.

ەڭبەك جولىن قاراعاندى قالاسىندا قوعامدىق عيماراتتار مەن تۇرعىن ۇيلەردى جوبالاۋدان باستاعان.

1966 -جىلى قازاق مەملەكەتتىك پوليتەحنيكالىق ينستيتۋتىندا ۇستازدىق ەتىپ، كافەدرا مەڭگەرۋشىسى قىزمەتىن اتقارعان. 1973 - جىلى قازاق ك س ر مەملەكەتتىك قۇرىلىس ءتوراعاسىنىڭ ورىنباسارى قىزمەتىن اتقارعان.

بىرنەشە جىلدار قاتارىنان قازاقستان قۇرىلىسشىلار وداعىنىڭ ءتوراعاسى بولدى.

ر. سەيدالين - ءبىرقاتار قوعامدىق جوبالارىنىڭ اۆتورى. 28 پانفيلوۆشىلار ساياباعىنداعى داڭق مەموريالى، دوستىق ءۇيى، ورالداعى مەموريال، الماتى وبلىسىنداعى كەربۇلاق اۋدانىنداعى شوقان ءۋاليحانوۆ اتىنداعى مۇراجاي رۇستەم سەيداليننىڭ جوباسىمەن تۇرعىزىلدى.

1970 -جىلى «قازاق كسر- ءنىڭ ەڭبەك سىڭىرگەن ساۋلەتشىسى» اتاعىن الىپ، 1979 - جىلى مەملەكەتتىك سىيلىقتىڭ لاۋرەاتى اتانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى