الماتىلىقتار جاپپاي جۇگىرۋگە شىقتى - فوتو

قالالىق اكىمدىكتىڭ قولداۋىمەن وتكەن شارا تاڭعى ساعات 9:00 دە تۇڭعىش پرەزيدەنت ساياباعىندا باستالدى.

اتالعان فلەشموبتىڭ ەرەكشەلىگى، وعان قازاق سپورتىنىڭ اتى اڭىزعا اينالعان جۇلدىزدارى قاتىستى. كسرو ەڭبەك سىڭىرگەن سپورت شەبەرى، ەۋروپانىڭ ەكى دۇركىن چەمپيونى سەرىك نۇرقازوۆ، ازيا، افريكا، اۆستراليانىڭ ءشول دالالارىن جالعىز باسىپ وتكەن، جەتى رەت گيننەس رەكوردىن جاڭارتقان، حالىقارالىق دارەجەدەگى سپورت شەبەرى مارات جىلانبايەۆ، قازاقستاننان شىققان تۇڭعىش ترياتلونشى باۋىر كاريپوۆ، الپينيست، الەمدەگى  سەگىز مىڭ مەترلىك 14 شىڭدى باعىندىرعان تۇڭعىش قازاق ماقسۇت جۇمايەۆ، سپورت شەبەرى مۇراتحان ءتوقمادي، بوكستان قازاقستاننىڭ ەڭبەك سىڭىرگەن باپكەرى، قازاقستان ترياتلون فەدەراتسياسىنىڭ پرەزيدەنتى نۇريددين داۋزوۆ 3 جانە 10 شاقىرىمدىق قاشىقتىقتى باعىندىردى.

ولارمەن بىرگە جۇزدەگەن قالا تۇرعىنى جۇگىردى. سپورتتىق جاتتىعۋدان كەيىن تۇرعىندار اتى اڭىزعا اينالعان سپورت شەبەرلەرىمەن سۋرەتكە ءتۇستى.

ايتا كەتەر ءبىر جايت، بۇگىن الەمدە سالاۋاتتى ءومىر سالتىنا باعىتتالعان حالىقارالىق جۇگىرۋ كۇنى اتالىپ وتىلۋدە.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى