مۇنايدىڭ ارزانداۋى تۇركياعا پايداسىن جەتكىزۋدە
بۇل تۋرالى «Anadolu» اگەنتتىگىنەن حابارلادى.
ونىڭ سوزىنە قاراعاندا، بيلەتتىڭ ارزانداۋى مۇناي باعاسىنىڭ تومەندەۋىمەن بايلانىستى. ءتوپچۋدىڭ ايتۋىنشا، جانار-جاعارماي ساتىپ العانداعى اۋە كومپانياسىنىڭ تاباتىن پايداسى ءتورت پايىزدى قۇرادى. بۇل ازاماتتىق اۆياتسيا ءۇشىن قوماقتى قارجى.
وسىعان دەيىن تۇركيا پرەمەر- ءمينيسترى احمەد داۆۋتوگلۋ مۇنايدىڭ ارزانداۋى تۇركياعا پايدالى ەكەنىن جەتكىزگەن ەدى. ونىڭ ايتۋىنشا، مۇناي باعاسىنىڭ تومەندەۋى تۇركيا ەكونوميكاسىنىڭ وسۋىنە سەپتەسەدى. سونداي-اق وسى ەلدىڭ ەنەرگەتيكا جانە تابيعي رەسۋرستار ءمينيسترى تانەر يىلدىز مۇنايدىڭ ارزانداۋى تۇركياعا جىل سايىن 32,6 ميلليون دوللار تابىس اكەلەتىنىن ايتقان.
ءمينيستردىڭ سوزىنە سەنسەك، مۇناي باعاسى قازىرگى دەڭگەيدە ساقتالسا، تۇركيا باعا باعامىنداعى ايىرماشىلىقتان جىل سايىن 11,9 ميلليارد دوللاردى ولجالاۋى مۇمكىن.
