جىلقى جىلى ا ق ش حالقى ءۇشىن نەسىمەن ەستە قالدى؟
جاھاندانۋ زامانىندا كەيبىر مەملەكەتتەگى كەلەڭسىز جاعدايلار الەمدىك تارتىپكە كەرى اسەرىن تيگىزىپ، وسىعان دەيىن قالىپتاسقان، ءومىرى وزگەرمەستەي كورىنگەن قاساڭ قاعيدالاردىڭ ىرگەسىن سوكتى.
ازۋىن ايعا بىلەگەن امەريكا قۇراما شتاتتارىندا اق پەن قارانىڭ اراسىنا سىزات ءتۇسىپ، بۇل شىرعالاڭ شارتاراپتى شارپىدى. دەموكراتيانىڭ بەسىگى دەپ اسپەتتەلۋگە ەتى ۇيرەنگەن ەلدەگى 365 كۇن قالاي ءوتتى؟!
العاشقى اڭگىمە تىزگىنىن امەريكاداعى ارنامىزدىڭ تىلشىسىنە بەرەلىك. ارينە، الپاۋىت امەريكا قۇراما شتاتتارى ءۇشىن 2014 - جىل وزىندىك اۋمالى-توكپەلى وقيعالارىمەن ەستە قالماق.
بيىل اقش ءوزىنىڭ وداقتاستارىمەن بىرگە اۋعانستان اۋماعىنداعى اسكەري مىندەتىن اياقتادى. ەسەسىنە رەسمي ۆاشينگتون يراك پەن سيريا جەرىندەگى «يسلام مەملەكەتى» دەپ اتالاتىن ەكسترەميستىك توپقا قارسى تاباندى تۇردە تويتارىس بەرۋدى قولعا الدى.
الىپ دەرجاۆانى الاڭداتقان بۇل عانا ەمەس. الەمدى تىكەسىنەن تىك تۇرعىزعان ەبولا بەزگەگى ەلدە ءبىر ادامنىڭ ءومىرىن جالماپ قانا قويماي، ونى ەمدەگەن مەديتسينا قىزمەتكەرلەرىنە دە جۇعىپ ۇلگەردى. بيىل حالىقتىڭ مازاسىن قاشىرعان تاعى ءبىر وقيعا - قارا ناسىلدىلەردىڭ پوليتسيا قولىنان قازا تابۋى.
ناتيجەسى جاپپاي ەرەۋىل تۇرىندە ءالى كۇنگە دەيىن جالعاسىن تاۋىپ كەلەدى. ال جىلدىڭ باستى وقيعاسى - ول، ارينە، كونگرەستىڭ ارالىق سايلاۋى. امەريكالىق دەموكراتيانىڭ جەتىستىگى سانالاتىن باسەكەدە باسىم داۋىسپەن رەسپۋبليكالىقتار جەڭىسكە جەتتى. ساراپشىلاردىڭ پايىمىنشا، بۇل دەگەنىمىز - پرەزيدەنت باراك وباما ءداۋىرىنىڭ مەيىلىنشە السىرەي باستاعانى دەگەن ءسوز. ياعني ۇلى دەرجاۆا ءۇشىن الداعى ەكى جىلدىڭ ساياسي تاعدىرى قالاي وزگەرەتىنىن ۋاقىت كورسەتە جاتار.
24.kz
