گورباچەۆ: پۋتين رەسەيدى تاراۋدان قۇتقارىپ قالدى
«مەن بارشا رەسەي ازاماتتارى ونىڭ ەلىمىزدى ەندى باستالىپ كەلە جاتقان تاراۋدان قۇتقارىپ قالعانىن ەستەرىندە ساقتاۋلارى كەرەك دەپ ەسەپتەيمىن. كوپتەگەن ايماقتار باسىندا ءىس جۇزىندە ءبىزدىڭ كونستيتۋتسيامىزدى مويىنداعان جوق. جەرگىلىكتى جەرلەردە رەسەي كونستيتۋتسياسىنان 100 دەن استام اۋىتقۋشىلىق ورىن الدى»، - گورباچەۆ ءوزىنىڭ «كرەملدەن كەيىن» دەگەن كىتابىنىڭ تۇساۋكەسەرىندە.
ەكس-پرەزيدەنت ۋكرايناداعى جاعدايعا دا تۇسىندىرمە بەرە كەتتى.
«ۋكراينادا بولىپ جاتقان جاعداي ءبىزدىڭ ءبارىمىزدى - ساياساتكەرلەردى دە، قوعامدى دا الاڭداتىپ وتىر. ال ءبىزدىڭ ۇكىمەتتىڭ قيىن جاعدايدا قالعان ادامداردى قابىلداپ، ولارعا جاعداي جاساۋلارى - قاشاندا وتە جاقسى نارسە بولماق»، - دەدى ول.
ميحايل گورباچەۆ قازىرگى قالىپتاسىپ وتىرعان جاعدايدىڭ تۇيىعىنان شىعۋ تۋرالى قويىلعان سۇراققا، ا ق ش پەن رەسەيدىڭ باسشىلارى بارىنشا بايسالدى وتىرىپ، سويلەسۋى كەرەك، دەگەندى ايتتى.
