ەلباسىنىڭ قۇتتىقتاۋى ۇ و س ارداگەرلەرىنە تابىستالدى - قىزىلوردا
كەلەر جىلى ۇلى جەڭىسكە 70 جىل تولعالى وتىر. وسىناۋ تاريحي ءمانى زور مەرەكە قارساڭىندا ەلباسىنىڭ ۇلى وتان سوعىسى ارداگەرلەرىنە جاڭا جىل مەرەكەسىنە وراي ىستىق ىقىلاسىن بىلدىرگەن «قۇتتىقتاۋ حاتىن» يەلەرىنە تابىستاعان جالاعاش اۋدانىنىڭ اكىمى تالعات دۇيسەبايەۆ، اۋداندىق ءماسليحات حاتشىسى ك. سۇلەيمەنوۆ مايدانگەر قارتتاردىڭ وتباسىندا بولىپ، مەرەكەلىك قۋانىشتارىمەن ءبولىستى. بۇل تۋرالى جالاعاش اۋداندىق اكىمدىگىنىڭ باسپا ءسوز قىزمەتى حابارلادى.
اتاپ ايتساق، ۇلى وتان سوعىسىنىڭ ارداگەرلەرى، اۋداننىڭ ابىز اقساقالدارى اقسۋ اۋىلىنىڭ تۇرعىنى ورىكباي سۇلەيمەن مەن تاڭ اۋىلىنىڭ تۇرعىنى ءۋالي دۇيسەنبيەۆتەرگە ەلباسىنىڭ «قۇتتىقتاۋ حاتى» مەن باعالى سىيلىقتارىن جانە سەبەت تولى جەمىستەر مەن گۇل شوقتارىن تارتۋ ەتتى.
سونداي-اق اۋداندىق ءماسليحات شەشىمىمەن قارت مايدانگەرلەر ورىكباي سۇلەيمەن مەن ءۋالي دۇيسەنبيەۆقا «جالاعاش اۋدانىنىڭ قۇرمەتتى ازاماتى» اتاعى بەرىلدى.
مەرەكەلىك ماراپات العان ارداگەرلەر ەلباسىنىڭ اتىنا العىستارىن جاۋدىرىپ، ەلگە بەيبىتشىلىك، حالقىمىزعا ىرىس-ىنتىماق، بەرەكە-بىرلىك تىلەدى.
