ق ر- دا ءومىر ءسۇرۋ ۇزاقتىعىن ارتتىرۋعا الەۋەت بار - س. قايىربەكوۆا

دەپ جازادى primeminister.kz.

 «قازاقستاندىقتاردىڭ ورتاشا ءومىر ءسۇرۋ ۇزاقتىعىن ارتتىرۋعا جانە ءولىم- ءجىتىمدى ازايتۋعا مۇمكىندىكتەر مەن الەۋەتىمىز بار. ەڭ الدىمەن، ول سەكتورارالىق ءوزارا ءىس- ارەكەتتەستىككە قاتىستى، ويتكەنى، ادام دەنساۋلىعى 70-80% ونىڭ ءومىر ءسۇرۋ سالتى مەن قورشاعان ورتاعا بايلانىستى»، - دەدى س. قايىربەكوۆا جامبىل وبلىسىنا جۇمىس ساپارى بارىسىندا.

 جيىنعا ەلىمىزدىڭ وڭتۇستىك وڭىرلەرى:  قىزىلوردا، وڭتۇستىك قازاقستان، جامبىل وبلىستارى جانە الماتى قالاسىنىڭ دەنساۋلىق ساقتاۋ باسقارمالارىنىڭ جەتەكشىلەرى، اكۋشەرلىك، گينەكولوگيا جانە پەرينوتولوگيا عىلىمي ورتالىعى، پەدياتريا جانە بالالار حيرۋرگياسى عىلىمي ورتالىعى جانە قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ باسشىلارى جينالدى. قالعان وڭىرلەر سەلەكتورلىق رەجىمدە قاتىستى.

 قاتىسۋشىلار  قىزىلوردا، وڭتۇستىك قازاقستان جانە جامبىل وبلىستارىندا ورىن العان انالار جانە نارەستەلەر ءولىمى جاعدايلارىن قارادى.

 انالار ءولىم- ءجىتىمى وقيعالارى ورىن العان وڭىرلەر جەتەكشىلەرى، پەريناتالدىق ورتالىقتار مەن پەرزەنتحانالاردىڭ باس دارىگەرلەرى مەديتسينالىق كومەكتىڭ قولجەتىمدىلىگى مەن ساپاسىن ارتتىرۋ باعىتىندا جاسالىپ جاتقان ءىس- شارالار تۋرالى باياندادى. بايانداما جاساۋشىلار 2014 - جىلعى 11- ايدىڭ قورىتىندىسىندا ەلىمىزدە تۋىلعان بالالاردىڭ جارتىسىنان استامى جانە انالار ءولىم- ءجىتىمىنىڭ 55,5 پايىز وڭتۇستىك وڭىرلەردىڭ ۇلەسىنە تيەتىنىن العا تارتتى.

ساليدات قايىربەكوۆا ب ۇ ۇ مىڭجىلدىقتىڭ دامۋ ماقساتتارىنا جەتۋ جانە الەمنىڭ ەڭ دامىعان 30 ەلىنىڭ قاتارىنا كىرۋ دەنساۋلىق ساقتاۋ جۇيەسى ءۇشىن باسىم باعىتتاردىڭ ءبىرى ەكەنىن العا تارتتى. ال بۇل سالادا انا مەن بالا دەنساۋلىعىن ساقتاۋ باستى كورسەتكىشتەردىڭ ءبىرى. وسى ورايدا ول: «دەنساۋلىق ساقتاۋ جانە الەۋمەتتىك دامۋ مينيسترلىگىنىڭ شاقىرۋىمەن، قازىر قازاقستاندا انالار ءولىم- ءجىتىمى كورسەتكىشتەرىن باعالاۋ ءۇشىن دۇنيەجۇزىلىك دەنساۋلىق ساقتاۋ ۇيىمىنىڭ حالىقارالىق تاۋەلسىز ساراپشىلار توبى جۇمىس ىستەپ جاتىر»، - دەدى.

 ءبىرىنشى ۆيسە- مينيستر سوڭعى جىلدارى ەلىمىزدە بۇل سالادا اۋقىمدى جۇمىستار اتقارىلىپ، كورسەتكىشتەر ەلەۋلى تۇردە جاقسارعانىن اتاپ ءوتتى. پەرزەنتحانالار مەن بالالاردى ەمدەۋ ۇيىمدارىن ماتەريالدىق- تەحنيكالىق جابدىقتاۋ جاقسارتى، ءتيىمدى حالىقارالىق تەحنولوگيالار، دياگنوستيكالاۋ مەن ەمدەۋ ستاندارتتارى مەن حاتتامالارى ەنگىزىلۋدە.

 انا مەن بالا دەنساۋلىعىن قورعاۋ قىزمەتىنە جاسالعان ساراپتاما العاشقى كومەك بۋىنى بەلسەندى جۇمىس ىستەي باستاعانىن كورسەتكەن. تاۋەكەلى جوعارى ايەلدەردى ۋاقتىلى ەمدەۋگە جاتقىزۋ بارلىق جەردە جولعا قويىلدى.

سونىمەن قاتار، ەلىمىزدە بالالار مەن انالار ءولىمىنىڭ تومەندەۋىنە جۇكتى ايەلدەردى تاۋلىك بويى مونيتورينگىلەۋ جۇيەسىنىڭ ەنگىزىلۋى جانە تاريفكە ەنگىزىلگەن قاراجات ەسەبىنەن دارىگەرلەردىڭ بىلىكتىلىگىن ارتتىرۋ وڭ سەپتىگىن تيگىزدى. شتاب ءتورايىمى بەكىتىلگەن ستاندارتتار مەن حاتتامالاردى قاتاڭ ساقتاۋعا، بارلىق مامانداردى ۇزدىكسىز جانە ساپالى وقىتۋعا شاقىردى. ويتكەنى، مامانداردىڭ بىلىكتىلىگىن ارتتىرۋعا بولىنگەن قاراجات مەديتسينالىق ۇيىمداردىڭ وزدەرىنە بەرىلگەن، تيىسىنشە ولار ءوز ماماندارىن قايدا جانە قالاي وقىتۋ كەرەكتىگىن دەربەس شەشەدى. سونداي- اق، تۇرعىنداردى اقپاراتتاندىرۋ دەڭگەيىن كوتەرۋ كەرەك. سوڭعى 5 جىلدا ەلىمىزدە انالار ءولىمى 3 ەسەگە، نارەستەلەر ءولىمى 1,5 ەسەگە ازايدى.

جۇمىس ساپارى اياسىندا ساليدات قايىربەكوۆا سونداي- اق، ءبىرقاتار مەديتسينالىق ۇيىمداردا: وبلىستىق بالالار اۋرۋحاناسىندا، وبلىستىق پەريناتالدىق ورتالىقتا، № 1, 2, 4, 5, 7, 9 ەمحانالاردا جانە وبلىستىق جانە قالالىق بالالار اۋرۋحاناسىندا بولىپ، مەديتسينالدىق قىزمەتكەرلەرمەن جانە ازاماتتارمەن كەزدەستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى