قازاقستانداعى ەڭ جوعارى جالاقى الاتىن ءوڭىر انىقتالدى

ستاتيستيكاعا قاراعاندا، 2014 - جىلعى قاراشادا رەسپۋبليكادا ءبىر قىزمەتكەردىڭ ورتاشا ايلىق اتاۋلى جالاقىسى 119111 تەڭگە بولدى.

سالالىق قۇرىلىمدا ەڭ جوعارى جالاقىنى كەن ءوندىرۋ ونەركاسىبىنىڭ وكىلدەرى مەن كارەر قازۋشىلار الادى، ولاردىڭ جالاقى مولشەرى - 249 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە ارتىق).

ەكىنشى ورىندا كاسىبي، عىلىمي جانە تەحنيكالىق قىزمەتكەرلەر تۇر، ولاردىڭ جالاقىسى - 229 مىڭ تەڭگە (ورتاشا رەسپۋبليكالىق دەڭگەيدەن 1,9 ەسەگە استى)، ال قارجى جانە ساقتاندىرۋ قىزمەتىنىڭ ماماندارى 224,1 مىڭ تەڭگە ەڭبەكاقى الادى (ورتاشا رەسپۋبليكالىق دەڭگەيدەن 1,9 ەسەگە استى).

ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 69,5 مىڭ تەڭگە، بۇل - ەل بويىنشا ورتاشا كورسەتكىشتەن %41,7 عا تومەن. ال وڭىرلىك بولىنىستە ەڭ جوعارعى جالاقى اتىراۋ وبلىسىندا بەلگىلەندى - 213,7 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,8 ەسەگە اسادى.

سولتۇستىك وڭىردەگى مۇنىڭ شاماسى - 79,2 مىڭ تەڭگە، بۇل - ەلىمىز بويىنشا ورتاشا دەڭگەيدەن %33,5 عا تومەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى