ۆيزاسىز جۇيە ورناتاتىن مەملەكەتتەردىڭ قاتارى ارتپاق
بۇگىن ق ر سىرتقى ىستەر ءمينيسترى ەرلان ىدىرىسوۆ ەلىمىزگە 15 كۇنگە دەيىن ۆيزاسىز كەلىپ كەتۋ ءۇشىن كوپتەگەن مەملەكەتتەر سۇرانىس بىلدىرگەنىن ايتتى.
سونىمەن قاتار مينيستر ازاماتتارىمىزدىڭ ەۋروپاعا ساپارىن جەڭىلدەتۋ شارالارى جۇرگىزىلىپ جاتقاندىعىن دا تىلگە تيەك ەتتى.
ماسەلەن، ا ق ش-پەن 5 جىلعا دەيىنگى ۇزاق مەرزىمدى ۆيزا الۋ كەلىسىمى جاسالدى. ال كانادالىق ۆيزانى ماسكەۋگە بارىپ الۋ ەل ازاماتتارىنا ىڭعايسىزدىق تۋدىرىپ وتىر. بۇل رەتتە ۆەدومستۆو باسشىسى ءتيىستى قۇجاتتى قازاقستاندا بەرۋ ءۇشىن ول ەلدىڭ ۇكىمەتىنە ءتيىستى سۇرانىس جىبەرىلگەندىگىن ايتتى.
ايتا كەتەيىك، ەلىمىز ينۆەستيتسيا تارتۋ ءۇشىن كەلەر جىلدىڭ 15 - شىلدەسىنە دەيىن 10 مەملەكەتپەن ۆيزاسىز رەجيم ورناتۋ تۋرالى شەشىم قابىلداعان بولاتىن.
ەرلان ىدىرىسوۆ، ق ر سىرتقى ىستەر ءمينيسترى:
- ا ق ش جۇرتى مەن ەۋروپا حالقى بۇل پيلوتتىق جوباعا جوعارى باعا بەرۋدە. اتالعان شارا EXPO-2017 حالىقارالىق كورمەسى قارساڭىندا قولعا الىنعان بولاتىن. ال وتكەن جىلدىڭ ەڭ ماڭىزدى وقيعاسى رەتىندە 29 - مامىر كۇنى استانادا قازاقستان، بەلارۋس، رەسەي فەدەراتسياسى پرەزيدەنتتەرى قول قويعان ەۋرازيالىق ەكونوميكالىق وداق تۋرالى كەلىسىمشارت جوباسىن ايتۋعا بولادى. بۇل وداققا ارمەنيا مەن قىرعىزستاننىڭ قوسىلۋى ۇيىمدى ودان دا تارتىمدى ەتپەك.
24.KZ
