قازاقستاندا قانشا ۇلى وتان سوعىسىنىڭ ارداگەرى قالدى؟

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە «ق ر ارداگەرلەر ۇيىمى» قوعامدىق بىرلەستىگى ورتالىق كەڭەسىنىڭ ءتوراعا ورىنباسارى بەكبولات مۇقىشەۆ ايتتى.

«قازاقستاندا بۇگىنگى كۇنى 5115 ۇ و س ارداگەرى قالدى. وكىنىشكە قاراي، ولار جىلدان-جىلعا ازايىپ كەلەدى. وزدەرىڭىز بىلەسىزدەر، وتان سوعىسىنا 1 ميلليون 200 مىڭ قازاقستاندىق قاتىسقان بولاتىن، ولاردىڭ تەك جارتىسى عانا امان ورالعان ەدى»، - دەپ اتاپ ءوتتى ول.

ب. مۇقىشەۆتىڭ ايتۋىنشا، قوعامدىق بىرلەستىك «نۇر وتان» پارتياسىمەن جانە «سامۇرىق-قازىنا» قورىمەن بىرلەسە وتىرىپ، جەڭىستىڭ مەرەيتويىنا وراي ءبىرقاتار شارالار ۇيىمداستىرماق.

«شارالار اياسىندا ارداگەرلەرىمىزدىڭ قاجەتتىلىكتەرى تەكسەرىلىپ، ءومىر ءسۇرۋ جاعدايلارى، دەنساۋلىعى تولىق باقىلاۋعا الىنادى. جالپى، جەڭىستىڭ 70 جىلدىعى بۇكىل رەسپۋبليكا كولەمىندە تويلاناتىن بولادى. مەملەكەت باسشىسى ءوز سوزىندە وسى ايتۋلى وقيعانى ارداگەرلەمىزىگە دەگەن بارىنشا قامقورلىقپەن، تاريح الدىنداعى ۇلكەن مارتەبەمەن قارسى الۋىمىز كەرەك ەكەنىن بىرنەشە رەت قاداپ ايتتى»، - دەدى ول.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى