ەرتىس وزەنىنىڭ ءتۇبىن تەرەڭدەتۋ جۇمىستارى جۇرگىزىلمەك

كەزدەسۋ بارىسىندا تاراپتار پاۆلودار ءوڭىرىن دامىتۋ جانە قازاقستان مەن رەسەي ىنتىماقتاستىعى اياسىنداعى ءتۇرلى ماسەلەلەردى تالقىلادى.

سونىمەن قاتار كەزدەسۋدە ايماق باسشىسى 2015 - جىلعا ارنالعان شەكارالاس ىنتىماقتاستىقتى ودان ءارى دامىتۋ جوسپارىمەن ءبولىستى.

پاۆلودار وبلىسى ومبى وڭىرىمەن بىرلەسىپ ەرتىس وزەنى ءتۇبىن تەرەڭدەتۋ جۇمىستارىن جۇرگىزۋدى، رەسەي اۋماعىنا ونەركاسىپتىك ونىمدەردى ءوزارا بىرلەسىپ جەتكىزۋ كولەمىن ۇلعايتۋدى، دەنساۋلىق ساقتاۋ، ءبىلىم بەرۋ، مادەنيەت جانە سپورت سالالارى بويىنشا ىنتىماقتاستىقتى دامىتۋدى جوسپارلاپ وتىر.

كەزدەسۋ سوڭىندا وبلىس اكىمى قانات بوزىمبايەۆ پەن وسكەمەندەگى ر ف باس كونسۋلى سەرگەي اننەنكوۆ ەكى ەل اراسىنداعى بايلانىستى ودان ءارى دامىتۋعا جانە نىعايتۋعا ءازىر ەكەندىكتەرىن ءبىلدىردى.

ايتا كەتەيىك، 2014 - جىلدىڭ قاڭتار- قىركۇيەك ايلارىندا پاۆلودار وبلىسىنىڭ رەسەيمەن سىرتقى ساۋدا- ساتتىعى 1,4 ميلليارد  ا ق ش دوللارىن، ونىڭ ىشىندە ەكسپورت - 784,2 ميلليون دوللاردى، ال يمپورت - 613,6 ميلليون دوللاردى قۇراپ وتىر.

پاۆلودار وبلىسىنىڭ سىرتقى ساۋدا اينالىمىنىڭ جالپى كولەمىندە رەسەيدىڭ ۇلەسى - 65 پايىز. وبلىستىڭ 900 استام كاسىپورنى رەسەيمەن سىرتقى ەكونوميكالىق قىزمەتتە ارىپتەستىك بايلانىس ورناتقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى