قازاقستاندىق ونەرتاپقىشتار ءۇشىن ارنايى مەملەكەتتىك سىياقى تاعايىندالادى

«بىزدە ءوزىمىزدىڭ ونەرتاپقىشتار بار. تەك ەندى عانا ءبىز ولارعا نازار اۋدارۋدامىز. ەلىمىزدەگى ونەرتاپقىشتاردا جاقسى جوبالار بار. بۇنىڭ بارلىعى ءوندىرىس دەڭگەيىنە شىققان كەزدە، ءبىز ولارعا كوڭىل ءبولىپ وتىرۋىمىز قاجەت. سوندىقتان دا ۇكىمەت قازىردەن باستاپ وسى ونەرتاپقىشتاردى ىنتالاندىرۋدىڭ جولىن ويلاستىرۋى ءتيىس. وسى ورايدا جاقسى ونەرتاپقىشتارعا، جۇزەگە اسىرىلىپ، ەلەۋلى تيىمدىلىگىن كورسەتكەندەر ءۇشىن ارنايى ۇلكەن مەملەكەتتىك سىياقىنى تاعايىندايىق»، - دەدى پرەزيدەنت.

مەملەكەت باسشىسى ەل ىشىندە عىلىم مەن يننوۆاتسيانى دامىتۋعا جاڭا سەرپىن بەرۋ كەرەكتىگىن، ونەرتاپقىشتاردى بارىنشا ىنتالاندىرۋ قاجەت ەكەنىن قاداپ ايتتى. «ونەرتاپقىشتار» ءسوزى بارلىعىنىڭ اۋزىندا بولۋى ءتيىس. اتاپ ايتقاندا، ونەرتاپقىشتار - ول ەرەكشە اقىلى بار ايرىقشا ادام ەكەنىن ءتۇسىنۋ كەرەك»، - دەپ ءتۇيدى ن. نازاربايەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى