قاسقىرمەن الىسا ءجۇرىپ، دوسىنا تەلەفون شالىپ كومەككە شاقىرعان
«23 - جەلتوقسان كۇنى تاڭەرتەڭ ورماندا مال باعىپ جۇرگەم. كەنەت 5 مەتر قاشىقتىقتا تۇرعان سۇلباسى قاسقىرعا ۇقساس ءبىر اڭدى كوزىم شالىپ قالدى. قاسىمدا ءيتىم ەرىپ ءجۇر ەدى، ءبىرىنشى بولىپ سول قاسقىرعا شاپتى. الايدا ازۋى وتكىر جىرتقىش ءيتتى ءبىر تىستەپ، ايدالاعا لاقتىرىپ جىبەردى. كەزەك ماعان كەلىپ جەتكەندە، مەن بىردەن قاسقىردىڭ تاماعىنان شاپ بەرىپ ۇستاپ الدىم. ءبىزدىڭ ءتۇز تاعىسىمەن «جاعا جىرتىسىمىز» جارتى ساعاتقا سوزىلدى»، - دەپ كەلتىرەدى ميربەك ومۋراكۋنوۆتىڭ اڭگىمەسىن Turmush.
تارتىستى جەكپە-جەك كەزىندە قاسقىر ەر ادامدى تىستەپ ۇلگەرگەن. قازىر ول اۋرۋحانادا جاتىر.
«قاسقىرمەن الىسىپ جاتقان كەزدە ءون-بويىم السىرەپ قويا بەرگەنى. ايلالى جىرتقىش تا مەنىڭ السىزدىگىمدى قالت جىبەرمەدى، ءدال سول كەزدە تىستەپ ۇلگەردى. الايدا مەن امالىن تاۋىپ، قالتامدا جاتقان ۇيالى تەلەفوندى الىپ، دوسىما حابارلاستىم. سودان كەيىن ەكەۋمىز بىرگە قاسقىردى مىقتاپ بايلاپ، ونى اۋىلعا الىپ كەلدىك»، - دەيدى ول.
ەستەرىڭىزگە سالىپ وتسەك، وتكەن جىلى داعىستاننىڭ 56 جاستاعى تۇرعىنى قوراداعى مالىنا شاپقان قاسقىردى بۋىندىرىپ، كەيىن بالتامەن شاۋىپ تاستاعان ەدى.
