قورعاس العاشقى قازاق- قىتاي مۇز فەستيۆالىن وتكىزەدى

ساۋلەتشىلەر بەلسەندى تۇردە وراسان زور ءىس- شاراعا دايىندالىپ جاتىر.

 سونىمەن قاتار، شەبەرلەر ءوز تۋىندىلارىن ۇيىمداستىرۋشىلارمەن تالقىلاپ، ءوز شىعارماشىلىعىن جۇزەگە اسىرۋدى باستاپ كەتتى. بەس مىڭ شارشى مەتر اۋداندا ونەر تۋىندىلارىنىڭ ونداعان ءتۇرى ورنالاساتىن بولادى. قازاقستاننان كەلگەن ءمۇسىنشى تالعات جۇماعۇلوۆ:

 «بىزدە ەسكيزدەر دايىن. ادەمى، قىزىقتى، ۇلتتىق ناقىشتاعى مۇسىندەردى سالامىز دەپ ويلايمىن»، - دەيدى. ساياباققا مۇسىنشىلەر ءوز يدەيالارىن جۇزەگە اسىرۋ ءۇشىن شامامەن 10 مىڭ تەكشە مەتر جاساندى قار اكەلىندى. ونى تاسىمالداۋعا جۇزدەن استام ادام قاتىستى. «بۇل ساياباقتى قورعاس شەكاسىندا تۇرعىزىپ جاتىرمىز. ول قازاقستان مەن قىتاي شەكاراسىنىڭ قاق ورتاسىندا بولىپ وتىر. ءبىز وسىنداي جولمەن ەكى ەلدىڭ دوستىعى مەن تاتۋلىعىن كورسەتكىمىز كەلەدى»، - دەيدى قار مەن مۇز ءوندىرۋ جانە پايدالانۋ ماسەلەلەرىنە قاتىستى ورتالىقتىڭ زەرتتەۋشىسى جاڭ گۋيحاي.

 سونىمەن قاتار، فەستيۆالدىڭ باستى ەرەكشەلىگىنە اينالىپ وتىرعان جاڭالىق بار. ول جاڭا جىل قارساڭىندا وتاۋ قۇراتىن جاس جۇبايلار وسى فەستيۆالگە ارنايى شاقىرىلعان. قىسقى فەستيۆال ەڭ اسەرلى ءىس- شاراعا اينالماق.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى