جاڭا جىل: مەيرام با؟ ەكولوگيالىق ويران با؟
سوندىقتان بولار، جاڭا جىلدى، ناقتىراق ايتقاندا، گريگوريان كالەندارى بويىنشا، ءار جىلى 12- ايدىڭ 31- كۇنى تۇنگى ساعات 00:00-دى دەگبىرىمىز قالماي، ەس-اقىلىمىز شىعىپ، بەينە جەتى اكەمىز بىردەن ءتىرىلىپ، قازداي ءتىزىلىپ كەلە جاتقانداي، ەبىل-دەبىل بولىپ كۇتەمىز...
«ەسكى جىلدا ەسىركەدىڭ! جاڭا جىلدا جارىلقاي كور!»، - دەپ تىلەك ايتامىز.
تايلى-تاياعىمىزبەن قىتايدىڭ شايتانقۋعىش تارسىلداعىن اتامىز. ۇيدە اق تۇيەنىڭ قارنى جارىلعان داستارقان. اتىلىپ، اقتارىلىپ جاتقان شامپاندار، شاراپتار... كوشەدە قىزىلتاناۋ دۇرلىگىس... كورشىلەر، بەينە ءبىر-بىرىنەن كوپتەن كوز جازىپ قالعان قيماس جاندارداي باس سالىسىپ كورىسۋ، بىلش-بىلش ءسۇيىسۋ...
وسى كورىنىسكە قاراپ تۇرىپ كەيدە «بۇگىن ءوزى 1945 - جىل 9 - ماي ەمەس پە؟» دەگەن دە وي كەلىپ، باسىڭدى ءسال-ءپال سىلكىپ الاسىڭ...
دۇرىس قوي ەندى، ءبىر جىلدى اياقتاپ، جاڭا ءبىر جىلدى باستاعالى جاتقاندا، ءبىر-بىرىمىزگە جاقسى تىلەك ايتۋىمىز كەرەك! جىلىنا ءبىر كەلەتىن مەرەكە بولعان سوڭ تويلاۋ كەرەك، تاماشالاۋ كەرەك! ويناۋ كەرەك! دەمالۋ كەرەك!
الايدا، ايتايىن دەگەنىم بۇل ەمەس. وسى ءبىر ءار كىم ءوزى سانالى تۇردە، وتە بەلسەندى بەينەمەن ايتقىزباي تويلايتىن مەرەكەدە كوڭىلگە كىربىڭ ۇيالاتاتىن ءبىر وتە اۋىر جاعداي بار، اعايىن!
جاڭا جىلدىڭ دايىندىعى باستالاتىن جەلتوقسان ايىندا كوشەگە شىعا قالساڭىز، كوشە-كوشەنىڭ بۇرىشىندا، دۇكەن-دۇكەن، بازار-بازاردىڭ الدىندا جاۋ تيگەندەي باۋداي ءتۇسىپ، قىرشىنىنان قيىلىپ، تۋرالىپ ءۇيىلىپ جاتقان شىرشا بالاشىقتارىن كورەسىز! كورەسىز دە جۇرەگىڭىز شانشيدى. جانىڭىز اۋىرادى. جىلاعىڭىز كەلەدى!
جاڭادان قاۋلاپ ءوسىپ كەلە جاتقان كىسى بويىنداي عانا قىرشىن شىرشا كۇنى ەرتەڭ قوقىسقا ايلانباق! قالاي كۇيزەلمەيسىڭ؟!
اگرونوم-عالىمداردىڭ ايتۋىنشا، ءبىر شىرشا-بالاشىقتىڭ قاتارعا قوسىلىپ، جۋان قاراعايعا (شىرشا) اينالۋىنا كەم دەگەندە جارتى عاسىر، ءتىپتى ءبىر عاسىرعا تاياۋ ۋاقىت كەرەك ەكەن... ال ءبىز بولساق، ءار جىلى جەلتوقساندا جاس ورماندى ويرانداپ، ورىپ تاستايمىز.
وسىعان ءارىسى ب ۇ ۇ تاراپىنان با، جوق الدە وزگە دە حالىقارالىق قورشاعان ورتانى قورعاۋ ۇيىمدارى تاراپىنان با، نەمەسە ءار ەلدىڭ ءوز وكىمەتى تاراپىنان بولا ما، ءبىر تيىم بولماي ما؟!
سۇمدىق قوي، مىناۋ! ونسىز دا ءوسۋى باياۋ، ونسىز دا سيرەپ بارا جاتقان قىمبات باعالى ورماندى جاۋ تيگەندەي ءار جىلى وتاپ تاستاۋ!
بۇل تۋرالى ءسىز قانداي پىكىردەسىز باۋىرىم؟
دۇكەن ءماسىمحان ۇلىنىڭ facebook-تاعى پاراقشاسىنان
