قازاقستاندىق ەڭ قالتالى ونەر يەلەرى كىمدەر - كەسكىن
جىلقى جىلىندا ەڭبەكقور ءانشى قايرات نۇرتاستىڭ جولى بولدى. ءسويتىپ، ول قازاق شوۋ - بيزنەسىنىڭ ەڭ تابىستى انشىلەردىڭ كوشىن باستاپ تۇر. تابانىنان ءتىلىنىپ ەڭبەك ەتكەن جۇلدىز ءبىر جىلدا 2 ميلليون 50 مىڭ دوللاردى قالتاسىنا باسقان.
كۇزدىڭ باسىندا ءانشى «ەركەلەپ ەلگە ءان ارناي» اتتى كونسەرتىن 3D فورماتتا ۇيىمداستىردى. بيلەتىنىڭ قۇنى 10 مىڭ تەڭگەدەن اسادى. وعان قوسا استانادا «ول سەن ەمەس» اتتى كەشىن وتكىزدى. ەكى بىردەي شوۋ كونسەرتىنە بيلەتتەر بىرنەشە اپتا بۇرىن ساتىلىپ وتىرعان. حالىقتىڭ قازىناسى تويىڭىزعا شاقىرساڭىز، 7 مىڭ دوللار سۇرايدى. بۇدان بولەك، 9 ءان جيناق، كيىم ساتاتىن بۋتيگىنەن دە پايدا تۇسكەن بۇل اۋلەتكە.
مەنەدجمەنتتىڭ قىر-سىرىن جاقسى مەڭگەرگەن 26 جاسار ءانشى جاقىن ارادا جەكە اۋە جۇيەسىن ىسكە قوسۋدى جوسپارلاپ وتىر.
قالتالى ونەر يەلەرىنىڭ ەكىنشى ساتىسىنا تانىمال پروديۋسەر بايان ەسەنتايەۆا جايعاسقان. ونىڭ جىلدىق كىرىسى 850 مىڭ دوللاردى قۇرايدى. پروديۋسەر تەك ءبىر عانا «كەشيۋ» توبىنان جىلىنا 500 مىڭ دوللار تابىس تابادى ەكەن.
بيىل ول ەكى بىردەي فيلم تۇسىرۋمەن قارجىسىن ەسەلەدى. ءبىرى «ابايلا، سيىر!» اتتى كومەديالىق تۋىندى بولسا، ەكىنشىسى ون ەكى سەريالى تەلەحيكايا. وعان قوسا، بايان «كەشيۋ» توبىن ازدىق ەتتى مە، كىم ءبىلسىن، جاقىندا تاعى ءبىر قىزداردان قۇرالعان «لاشىن» اتتى توپ قۇردى. ءسويتىپ، ەسەنتايەۆا بولاشاققا ۇلكەن جوسپار جاساپ وتىر.
ەلدىڭ سۇيىكتىسى مۋزارتتىڭ ءۇش نويانى بيىل تابىستى انشىلەردىڭ قاتارىنا ەنبەي قالىپتى. مۋزارتتىڭ وتكەن جىلعى تابىسى بار بولعانى 1 ميلليون دوللار ەدى. 13 جىلدىق تاريحى بار ۇجىمنىڭ باستى پايدالى كاسىبى - دىبىس جازاتىن ستۋديالارى.
31- كانال
