ق ر پرەزيدەنتى ر ف رۋبلىنىڭ ديەۆالۆاتسياسى سالدارىنان ەكونوميكامىزدا قابىلدانىپ جاتقان شارالار جايىندا ايتتى

 مەملەكەت باسشىسى وسى سانكسيالار قازاقستانعا تىكەلەي اسەر ەتپەيتىنىن جەتكىزدى.

رەسەي نەگىزگى سەرىكتەسىمىز ەكەنىن اتاپ وتكەن ەلباسى بۇل سانكسيالاردان جاقسىلىق كۇتۋگە بولمايتىنىنا توقتالدى: «قازىرگى كەزدە ءبىزدىڭ ازاماتتار رەسەيگە بارىپ، ارزان تاۋارلار الىپ جاتىر. ادامدار ءۇشىن بۇل جاقسى سەكىلدى، ياعني بىزگە قاراعاندا ماشينالاردى 10-15 مىڭعا (دوللار) ارزانعا ساتىپ الادى. سونىمەن قاتار، باسپانالار الىپ جاتىر دەگەن سوزدەر ايتىلىپ جاتىر. رەسەي ءۇشىن بۇنداي ارزانشىلىق ءبىر جاعىنان جاقسى، ساۋدا ءجۇرىپ جاتىر، ال باسقا قىرىنان العاندا وسىنداي باعامەن ساۋدالانۋدىڭ كەرى اسەرى بار. سەبەبى، رۋبل باعامى قۇبىلىپ تۇر»، - دەدى مەملەكەت باسشىسى.

 وسى ورايدا، پرەزيدەنت ەۋرازيالىق ەكونوميكالىق وداق پەن كەدەن وداعى اياسىندە ەلىمىزدىڭ كاسىپكەرلەرىن قورعاۋ ءۇشىن ءتيىستى شارالار قابىلدانۋى مۇمكىن ەكەنىن جەتكىزدى.

 «ەندى كەدەن وداعى جانە ءبىرىڭعاي ەكونوميكالىق جاعدايىندا ءبىز وسىندا نەنى كىرگىزىپ، قانداي زاتتاردى كىرگىزبەۋ كەرەكتىگىن قارايتىن بولامىز. سەبەبى، بۇل كاسىپكەرلەرىمىزگە كەرى اسەرىن تيگىزۋى مۇمكىن. قازاقستاندا ءوزىمىزدىڭ كاسىپورىندار مەن تاۋارلار بار»، - دەدى ن. نازاربايەۆ.

 ەلباسى بۇگىندە ەلىمىز ە و- مەن جانە باسقا دا مەملەكەتتەرمەن ساۋدا- ساتتىقتى جۇرگىزىپ جاتقاندىعىنا توقتالا كەلە، «الەمدىك قارجىلىق ينستيتۋتتارى ەلىمىزگە تارتىلىپ وتىر. ينۆەستيتسيالار بىزگە شىعىس پەن باتىستان كەلىپ جاتىر. سوندىقتان، جۇمىس ىستەپ، وسىنىڭ بارلىعىن ءجىتى نازاردا ۇستايمىز»، - دەدى پرەزيدەنت.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى