بەلگيادا جالپى مەملەكەتتىك ەرەۋىل جاريالانىپ، قوعامدىق كولىكتەر توقتاتىلدى

بەلگيا كاسىپوداعى دۇيسەنبى، 15 - جەلتوقساندا جالپى ۇلتتىق ەرەۋىل جاريالادى. ەل بويىنشا 24 ساعاتقا پويىز قوزعالىسى، سونىمەن قاتار قوعامدىق كولىكتەر: اۆتوبۋس، ترامۆاي، مەترو توقتاتىلدى.

كاسىپوداقتار حالىقارالىق اۆتوبۋس جەلىلەرىن دە شەكتەپ، جۇك كولىكتەرى جۇرگىزۋشىلەرىن جولعا شىقپاۋعا شاقىردى، دەپ حابارلايدى AFP اگەنتتىگى.

15 - جەلتوقساندا كەشكە دەيىن بريۋسسەل، شارلەرۋا حالىقارالىق اۋەجايلارىندا قوزعالىس جابىلادى. بۇدان بەلگيالىق «Brussels Airlines» اۋەكومپانياسى ەرەۋىلگە بايلانىستى بەس ميلليون ەۋرو شىعىنعا ۇشىراۋى مۇمكىن.

ەلدىڭ پرەمەر-ءمينيسترى شارل ميشەل باسشىلىعىمەن بەلگيا ۇكىمەتىنىڭ تاۋارلار، كورسەتىلەتىن قىزمەتتەر باعاسىن كوتەرۋ، الەۋمەتتىك جەڭىلدىكتەردى ازايتىپ، زەينەتكەرلىك جاسىن 65 تەن 67 گە ۇزارتۋعا باعىتتالعان ساياساتى كولىك قىزمەتكەرلەرىنىڭ ەرەۋىلگە شىعۋىنا سەبەپ بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى