ەرتەڭنەن باستاپ استانادا جاڭا زامانعى اۆتوبۋستارى جولعا شىعادى - فوتو

 «قازىرگى ۋاقىتتا قالاداعى قوعامدىق كولىكتەردى جاڭارتۋ جۇمىسى جۇرۋدە. بۇگىندە 358 IVECO اۆتوبۋستارىن ساتىپ الۋ بويىنشا كەلىسىمشارت جاسالدى. جىل سوڭىنا دەيىن وسىنداي 80 اۆتوبۋس جولعا شىعادى.

 2015 - جىلدىڭ ماۋسىم ايىندا 358 اۆتوبۋستىڭ بارلىعى ىسكە قوسىلادى دەپ جوسپارلانعان. اۆتوبۋستار قاقاعان قىستىڭ ايازىنا بەيىمدەلگەن. ەكولوگيالىق ەۋرو-5 ساناتتىق ستاندارتقا ساي. قاۋىپسىزدىكتىڭ بارلىق جابدىقتارى بار، بەينەءتۇسىرىلىم جاسالىپ وتىرادى. سونىمەن قاتار مۇمكىندىگى شەكتەۋلى جانداردىڭ ءمىنىپ- تۇسۋىنە ىڭعايلاستىرىلعان. اۆتوبۋس تومەن تۇسەدى جانە پانتۋسپەن جابدىقتالعان»، - دەيدى «استانا LRT« ج ش س باسقارما ءتوراعاسى تالعات اردان.

 ونىڭ اتاپ كورسەتكەنىندەي، اۆتوبۋستار نەسيەلىك جۇيە ارقىلى الىنعان. ياعني، تىكەلەي مەملەكەتتىك قاراجات جۇمسالماعان. نەسيە كەلىسىمىنىڭ جالپى كولەمى 107 ميلليون ەۋرونى قۇرايدى.

 بۇل اۆتوبۋستار 10 جانە 9 - باعىتتارعا شىعادى. جىل سوڭىنا دەيىن 28 جانە 42- باعىتتارىن دا وسىنداي اۆتوبۋستارمەن قامتاماسىز ەتۋ جوسپارلانۋدا. قازىرگى ۋاقىتتا قالادا 180 اۆتوبۋس جەتىسپەيدى، العاشقى پارتيا وسى قاجەتتىلىكتى قامتاماسىز ەتۋگە باعىتتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى