شىعىس قازاقستان وڭتۇستىكتەن بارعانداردى قابىلداپ جاتىر

- دەپ حابارلايدى Tengrinews.kz رەسپۋبليكانىڭ دەنساۋلىق ساقتاۋ جانە الەۋمەتتىك دامۋ مينيسترلىگى باسپا ءسوز قىزمەتىنە سىلتەمە جاساپ.

وسى جىلدىڭ جەلتوقسانىندا ريددەر قالاسىندا كوپ پاتەرلى ءۇي وڭتۇستىك ايماقتان «جول كارتاسى-2020» باعدارلاماسى بويىنشا ءبىرىنشى بولىپ كوشىپ بارعاندارعا بەرىلەدى.

«وڭتۇستىك ايماقتا ەڭبەك كۇشىنىڭ ارتىلۋى سەزىلەدى، ال سولتۇستىكتەگى دەموگرافيالىق ءوسىمنىڭ قارقىنى السىرەپ، الداعى ۋاقىتتا جۇمىس كۇشى تاپشى بولادى دەپ كۇتىلۋدە، سوندىقتان بۇل باعدارلامادا جۇمىس كۇشى مول ايماقتاردان جۇمىس كۇشى تاپشى وبلىستارعا ازاماتتاردى كوشىرۋ قاراستىرىلدى»، - دەلىنگەن حابارلامادا.

ادامداردى باعدارلاما بويىنشا كوشىرۋ تەك جۇمىس بەرۋشىلەردىڭ تالابىمەن عانا جۇزەگە اسىرىلادى. بيىل وسى ماقساتتا رەسپۋبليكالىق بيۋدجەتتەن 24 ميلليارد تەڭگە ءبولىندى.

بيىل كۇزدە الماتى، جامبىل، قىزىلوردا، وڭتۇستىك قازاقستان وبلىستارى مەن ەكىنشى تاراپ شىعىس قازاقستان وبلىسى مەموراندۋمعا قول قويدى. بۇگىنگى تاڭدا جۇمىس كۇشىنە اسا مۇقتاج ريددەر قالاسى، پيلوتتى قالا رەتىندە بەلگىلەندى. قاراشانىڭ 5 ىندە وڭتۇستىك وڭىرلەردىڭ جۇمىسپەن قامتۋ ورتالىقتارى ماماندارى ريددەرگە بارىپ، قاجەتتى ماماندىقتار ءتىزىمىن جاسادى. ولاردىڭ قاتارىندا مۇعالىمدەر، دارىگەرلەر، مەكتەپكە دەيىنگى مەكەمە تاربيەشىلەرى، قۇقىق قورعاۋ ورگاندارىنىڭ قىزمەتكەرلەرى، ەلەكترشىلەر مەن تاس قالاۋشى- قۇرىلىسشىلار بار.

 قازىرگى تاڭدا الماتى وبلىسىنان سەگىز، جامبىل وبلىسىنان بەس،  قىزىلوردادان 10 جانە وڭتۇستىك قازاقستان وبلىسىنان 30 وتباسى باعدارلاماعا قاتىسۋعا ءوتىنىش ءبىلدىردى. جۇمىس بەرۋشىلەردىڭ تالاپتارى بويىنشا ەلىمىزدىڭ وڭتۇستىگىنەن مامانداردى كوشىرۋ جۇمىستارى كەلەسى جىلى جالعاسادى.


ريددەر قالاسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى