مادەنيەت ءمينيسترى ەلباسىعا جەكە كورمەسىن وتكىزۋدى ۇسىندى - فوتو
«مەن اتاپ وتكىم كەلگەنى، مەملەكەت باسشىسى كوركەمسۋرەتتى جاقسى كورەدى جانە ءوزىنىڭ دە كەرەمەت قابىلەتى بار. مەنىڭشە، ءبىز ەلباسىنىڭ ەندى جەكە كورمەسىن وتكىزۋگە ونى يلاندىرا الاتىن شىعارمىز. پرەزيدەنتتىڭ ول تۋىندىلارى اسا قىزىقتى ەكەندىگىن اتاپ وتكىم كەلەدى»، - دەدى مينيستر استاناداعى «نازاربايەۆ ورتالىعىندا» ق ر تۇڭعىش پرەزيدەنتىنىڭ كۇنىنە وراي «ەل قولداعان ەلباسى» اتتى كارتينالار مەن فوتوسۋرەتتەر كورمەسى اشىلۋىندا.
بۇنىڭ الدىندا حابارلاعانىمىزداي، «ەل قولداعان ەلباسى» ەكسپوزيتسياسىندا ق ر پرەزيدەنتى ن. نازاربايەۆ تۇلعاسىنىڭ سان ءتۇرلى قىرلارىن كورسەتەتىن قىزىقتى جانە توسىن فوتوسۋرەتتەر: ەلباسىنىڭ وي- تولعاۋ ۇستىندەگى، قازاقستاندىق وتباسىلارمەن، بالالارمەن، قالا جانە اۋىل ەڭبەككەرلەرىمەن كەزدەسكەن قۋانىشتى ساتتەرى، سونداي- اق بەلگىلى سۋرەتشىلەردىڭ پورترەتتىك ەڭبەكتەرى قويىلعان. كورمە 7 - جەلتوقسانعا دەيىن جالعاسادى.
اۆتور: جاسۇلان جولدىبايەۆ 
