الماتىدا جارىلىستان جاپا شەككەن ستۋدەنتتەردىڭ دەنەسىنەن جارىقشاق قالدىقتارى الىنبايتىن بولدى - وڭلاسىن يبەكەنوۆ

ولاردىڭ ايتۋىنشا، قازىرگى تاڭدا الماتى قالالىق شۇعىل مەديتسينالىق كومەك كورسەتۋ اۋرۋحاناسىندا ەمدەلىپ شىققان 7 بالا مەن ءنومىر 5 اۋرۋحانادا ەمدەلىپ شىققان 3 بالا «الماتى» شيپاجايىنا اۋىستىرىلدى. ولار شيپاجايدا 20 كۇننەن اسا وڭالتۋ شاراسىنان وتەدى.

مەديكامەنتوزدى ۇيقىدا جاتقان ەكى بالانىڭ جاعدايى قازىر ورتاشا، دەپ باعالادى ماماندار. ولار قازىر حيرۋرگيا جانە نەيروحيرۋرگيا بولىمىنە اۋىستىرىلدى.

اۋرۋحانا دارىگەرلەرى ولاردى ەمدەۋ ماقساتىندا سانكت- پەتەربورداعى دجانيليدجە اتىنداعى اسەري مەديتسينالىق ينستيتۋت ماماندارىمەن تىكەلەي تەلەكوپىر ارقىلى كەڭەسكەن.

«ءبىز ماماندارمەن كەڭەسە كەلە ولاردىڭ دەنەسىندەگى جارىقشاق سىنىقتارىن الۋ قاجەت ەمەس دەپ شەشتىك. ويتكەنى، سىنىقتار جۇمساق تىندەر مەن تەرى اراسىندا قالعان بولسا، ولاردىڭ ادامنىڭ دەنساۋلىعىنا تيگىزەر كەرى اسەرى جوق»، - دەدى الماتى قالالىق شۇعىل مەديتسينالىق كومەك كورسەتۋ اۋرۋحاناسى باس دارىگەرىنىڭ حيرۋرگيا بويىنشا ورىنباسارى يبەكەنوۆ وڭلاسىن.

سونداي- اق، ماماندار بالالاردىڭ ۋاقىتشا جۇمىسقا قابىلەتسىزدىك تۋرالى 1 جىلعا قۇجات راسىمدەۋى دە مۇمكىن ەكەندىگىن اتاپ ءوتتى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى