ادام جاسىن ۇزارتاتىن بيو ءونىم
وسىدان 2 جىل بۇرىن نازاربايەۆ ۋنيۆەرسيتەتىنىڭ عالىمدارى «ءنار» بيو ءونىمىن ويلاپ تاپتى. سان-مارتە جۇرگىزىلگەن زەرتتەۋلەر ناتيجەسىندە ءونىمنىڭ يممۋندىق جۇيەنى جاقسارتىپ، كۇندەلىكتى كۇيزەلىسكە توتەپ بەرەتىن اسەرى بايقالدى.
قازىر ونىڭ وندىرىستىك تەحنولوگياسى ازىرلەنىپ، نارىققا شىعارۋ ءىسى قولعا الىنىپ جاتىر.
جاقسىباي ءجۇمادىلوۆ، «نازاربايەۆ ۋنيۆەرسيتەتى» ءومىر تۋرالى عىلىمدار ورتالىعىنىڭ باس ديرەكتورى:
- نارىقتا ساتىلىپ جاتقان ونىمدەردەن ءبىزدىڭ ءونىم قىمبات بولمايدى. اۋرۋدىڭ الدىن الۋ ءۇشىن 10 شاقتى كۇن ىشسە، ءتيىمدى بولادى. ءونىم شىعارىلعاندا ونى كەز كەلگەن دۇكەن سورەلەرىنەن ساتىپ الۋعا بولادى. ماماندار ىشكى نارىقتى قامتاماسىز ەتكەننەن كەيىن سىرتقا دا تاسىمالداۋدى جوسپارلاپ وتىر.
ەڭ باستىسى، سۇرانىس جوعارى ءارى قارجىلاي قولداۋ جەتكىلىكتى.
جاقسىباي ءجۇمادىلوۆ، «نازاربايەۆ ۋنيۆەرسيتەتى» ءومىر تۋرالى عىلىمدار ورتالىعىنىڭ باس ديرەكتورى:
- عىلىمي زەرتتەۋ جوبالاردىڭ ناتيجەسىنە بايلانىستى ءبىز حالىقارالىق كونفەرەنتسيالاردا شەتەلدىك ارىپتەستەرگە بايانداما جاساعانبىز. ولار جوعارى باعالارىن بەرىپ، بىرلەسە عىلىمي جوبا دايىنداۋعا ۇسىنىستارىن بىلدىرۋدە.
بۇل قاتاردا ەۋروپا ەلدەرى مەن ا ق ش بار. ءونىم كوپشىلىكتىڭ قولدانۋىنا ارنالعان وسىنداي ىڭعايلى قوراپشادا جاساپ شىعارىلماق. ونىڭ قۇرامىندا تابيعي سيىر ءسۇتى، ا، س، د، ە دارۋمەندەرىمەن قاتار بيولوگيالىق زاتتار بولادى. توڭازىتقىشتا 3-10 گرادۋس جىلى تەمپەراتۋرادا ساقتاساڭىز، جارامدىلىعى كەمىندە 2 اپتاعا دەيىن جەتەدى.
ارينە، ءبىر عانا بيو ءونىم ادام جاسىرىن ۇزارتا المايدى. تەك اۋرۋدىڭ الدىن الىپ نەمەسە ونىمەن كۇرەسۋگە سەپتىگىن تيگىزۋ ارقىلى دەنساۋلىقتى جاقسارتۋعا اسەر ەتەتىندىگىن العا تارتادى ماماندار. ال قارتايۋعا قارسى ءدارى-دارمەك ويلاپ تابۋ مىندەتى جۇكتەلگەن «ءومىر تۋرالى عىلىمدار ورتالىعىنىڭ» عالىمدارى قازىر 10 ءتۇرلى ءونىمدى جاساپ، زەرتحانالىق سىناقتاردان وتكىزىپ جاتىر. ولاردىڭ اراسىندا قىمىز، شۇباتتان الىنعان بيولوگيالىق زاتتار ەۋرازيالىق پاتەنتتى يەلەندى.
24.kz
