قاراعاندىداعى اتىس: پوليتسەي كەڭسە توناۋشىسىن جاراقاتتادى
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
«28- قاراشا كۇنى بۇقار جىراۋ داڭعىلىندا ورنالاسقان بۋكمەكەرلىك كەڭسەنىڭ بىرىنە بەتپەردە كيگەن ەكى ازامات كاسسير مەن كۇزەتشىنى تاپانشامەن قورقىتىپ، وق اتىپ، بار قاراجاتتى بەرۋدى تالاپ ەتكەن»، - دەلىنگەن حابارلامادا.
ەسكە سالا كەتسەك، قازىرگى ۋاقىتتا مەموراندۋمعا سايكەس كولەمدى قاراجاتى بار نىسانداردا قاۋىپسىزدىكتى قامتاماسىز ەتۋ ءۇشىن ىشكى ىستەر ورگاندارىنىڭ قىزمەتكەرلەرى كۇزەت جۇمىستارىن اتقارىپ جاتىر.
«بۋكمەكەرلىك كەڭسەدە وبلىستىق ءى ءى د جەدەل ارەكەت ەتۋ توبىنىڭ قىزمەتكەرلەرى بولعان. ولار قارۋلانعان قىلمىسكەرلەردى ۇستاۋ ماقساتىندا ەسكەرتىپ، وق اتقان. الايدا توناۋشىلار وقيعا ورنىنان ءىزىن سۋىتپاققا ارەكەتتەنگەن سوڭ ءتارتىپ ساقشىلارى تابەلدىك قارۋدى قولداندى»، - دەپ ءتۇسىندىردى وبلىستىق ءى ءى د باسپا ءسوز قىزمەتى.
ۆەدومستۆو اقپاراتىنشا، شابۋىل جاساعاننىڭ بىرەۋى جاراقاتتانعان. «وعان مەديتسينالىق كومەك كورسەتىلدى، قاراۋىلشى جاساق قويىلدى. ەكىنشى قىلمىسكەر وقيعا ورنىنان ءىزىن سۋىتتى. اتالعان فاكتى بويىنشا ق ر ق ك 179- بابىنا سايكەس (قاراقشىلىق شابۋىل) قىلمىستىق ءىس قوزعالدى. تەرگەۋ امالدارى جۇرگىزىلۋدە. وبلىستىق پروكۋراتۋرا تابەلدىك قارۋ قولدانىلۋى ماسەلەسىن تەكسەرۋدە»، - دەلىنگەن حابارلامادا.
