حالىقارالىق ساحنا كيىمدەرى فەستيۆالى ءوتتى - فوتو
اتالعان حالىقارالىق فەستيۆالىن ۇيىمداستىرۋشى «ايەل جانە مادەنيەت «لاشىن» قوعامدىق بىرلەستىگىنىڭ» ءتورايىمى ەتنولوگ حانۋم ابدراسۋلوۆانىڭ ايتۋىنشا فەستيۆالدى ۇيىمداستىرۋداعى باستى ماقسات - تۇركيامەن بىرلەسكەن قازاقستاندىق ديزاينەرلەردىڭ ۇزدىك توپتامالارىن كورەرمەن تالقىسىنا ۇسىنۋ دەيدى.
«ماماندار بۇل ۇلتتىق كيىم ۇلگىلەرىن دارىپتەۋدىڭ ەڭ ۇتىمدى جولى دەپ وتىر. سوندىقتان ساحنا مەن اسەمدىكتىڭ توعىسقان مەزگىلى «ءسان مەن ساحنا» دەپ اتالادى. قالىپتاسقان ساحنالىق ستيلدى ۇلتتىق كيىممەن ۇيلەستىرىپ كيىم ۇلگىلەرىنىڭ ورنەگى، تىگىس يىرىمدەرىن پاش ەتۋ» دەيدى ول.
اتالمىش فەستيۆالگە تۇركيانىڭ بۋرسا قالاسىنان كەلگەن ديزاينەر يامانگلار جانە قازاقستاندىق تانىمال ءسان ۇيلەرى قاتىسىپ، ءوز توپتامالارىن ۇسىندى.
ءادىل قازى تورەلىگىمەن ءبىرىنشى ورىنعا «نازىك» ءسان ءۇيى توپتاماسى يە بولسا، ەكىنشى ورىنعا جاس ديزاينەر داريعا تايشىقوۆا لايىق دەپ تانىلدى. جۇلدەگەرلەرگە ارنايى سەرتيفيكاتتار تابىستالىپ، تۇركيادا وتەتىن «دەفيلە» قويىلىمىنا جولداما بەرىلدى.
