قازاقتىڭ كۇيى مەن كيىز ءۇيىن ادامزاتتىڭ مادەني مۇراسى تىزىمىنە ەنگىزدى
«ماتەريالدىق ەمەس مادەني مۇرانى ساقتاۋ كوميتەتى ادامزاتتىڭ ماتەريالدىق ەمەس مادەني مۇرالارىنىڭ قايتا تانىستىرۋ تىزىمىنە جاڭا ون ەلەمەنت ەنگىزدى، ولاردىڭ قاتارىندا «ۆىرۋماا ۇيەزىندەگى ءداستۇرلى مونشا (ەستونيا) »، «قازاقتىڭ دومبىرامەن ءداستۇرلى كۇي ورىنداۋ ونەرى (قازاقستان) ، «قىرعىز بەن قازاقتىڭ كيىز ءۇي تىگۋ تاسىلدەرى (كوشپەلى تۇركى حالقى) « (قازاقستان، قىرعىزستان) بار»، - دەلىنگەن يۋنەسكو حابارلاماسىندا.
«قازاقتىڭ كۇيى قوس ىشەكتى ءداستۇرلى، المۇرت ىسپەتتەس، ۇزىن مويىنى بار اسپاپ - دومبىرامەن ورىندالاتىن جەكە اسپاپتى قويىلىم دەگەندى بىلدىرەدى. كۇيدىڭ ماڭىزى تاريحي ءتۇپ تامىر مەن سالت ءداستۇردى بايلانىستىرىپ كلاسسيكالىق جانە سۋىرىپ سالما ورىنداۋ ارقىلى حالىقپەن بايلانىسۋىندا جاتىر. كۇي وتباسىلىق نەمەسە كوپشىلىك جيىنداردا ورىندالادى جانە ادەتتە اڭىز، اڭگىمەلەر قوسا ايتىلادى. دومبىرامەن كۇي ورىنداۋدىڭ قازاق حالقىنىڭ الەۋمەتتىك بىرلىگى مەن وزىندىك ەرەكشەلىگىن، اۋىزبىرشىلىگىن ساقتاۋداعى اتقاراتىن ماڭىزى زور»، - دەلىنگەن يۋنەسكو سايتىندا.
كوميتەت وتىرىسى پاريجدەگى يۋنەسكو- نىڭ شتاب- پاتەرىندە ءوتىپ جاتىر جانە ول 28 - قاراشادا اياقتالادى. ماتەريالدىق ەمەس مادەني مۇرالاردىڭ قايتا تانىستىرۋ تىزىمىنە ماتەريالدىق ەمەس مۇرالاردىڭ ءارالۋاندىعىن جانە بارشا ادامزات ءۇشىن ونىڭ ماڭىزىن تۇسىنۋگە ىقپال ەتەتىن ەلەمەتتەر ەنگىزىلەدى.
