ق پرەمەر-ءمينيسترى الەمدىك قوعامداستىقتى ەنەرگەتيكالىق قاۋىپسىزدىك پروبلەماسىن بىرلەسە شەشۋگە شاقىردى
«ەنەرگەتيكالىق قاۋىپسىزدىك ءبىزدىڭ ءداۋىردىڭ نەگىزگى پروبلەمالارىنىڭ ءبىرى. ەكونوميكالىق ءوسىم ەنەرگەتيكالىق رەسۋرستارعا سۇرانىستىڭ ارتۋىنا ىقپال ەتەدى. ءبىزدىڭ ويىمىزشا، قىزمەتتىڭ وسى باعىتىنا، سونداي-اق قايتا قالپىنا كەلەتىن جاڭا ەنەرگيا كوزدەرىن ىزدەستىرۋگە الداعى جىلدارى ماڭىزدىلىق ارتاتىن بولادى. كەز كەلگەن كومپانيا مەن مەملەكەت وسى پروبلەمانى جالعىز شەشۋگە قاۋقارسىز. ءبىز وسى قاتەرلەرگە بىرلەسە ارەكەت ەتۋىمىز قاجەت»، - دەدى ۇكىمەت باسشىسى.
وسى ورايدا ك. ءماسىموۆ بۇل تۇرعىدا قازاقستاننىڭ بارلىق ۇدەرىستەرگە بەلسەندى قاتىسۋىن قامتاماسىز ەتۋ ءۇشىن ەلىمىزدە ەلەۋلى كۇش-جىگەر جۇمسالىپ جاتقاندىعىن اتاپ ءوتتى.
«قازاقستان شىعىس پەن باتىستىڭ ماڭىزدى سەرىكتەسى رەتىندە، ياعني ەكى اراداعى كوپىر رەتىندە ەلىمىز ەنەرگەتيكالىق تىزبەكتە ماڭىزدى ورىن الادى. ءبىز ەنەرگيا تاسىمالدارى باعىتتارىن ءارتاراپتاندىرۋعا ۇمتىلۋدامىز»، - دەدى پرەمەر-مينيستر.
اۆتور: رۋسلان عابباسوۆ
