پرەزيدەنت جولداۋى كوپتەگەن ەلدەرگە ۇلگى بولا الادى
بۇل تۋرالى ەلباسى جولداۋىنا وراي ءوز پىكىرىن بىلدىرگەن Pappenburg International قۇرىلىس كومپانياسىنىڭ (گەرمانيا) باسقارۋشى ديرەكتورى كريستيان ۆالتەر ايتتى.
«ەل اراسىندا دا، ودان تىسقارى جەرلەردە دە زور قۇرمەتكە يە پرەزيدەنت نۇرسۇلتان نازاربايەۆتىڭ قازاقستان حالقىنا جولداۋىمەن شىنايى ءتانتى بولىپ تانىسىپ ءوتتىم. ءبىزدىڭ ويىمىزشا، باسقا كوپتەگەن ەلدەر ءۇشىن ۇلگى بولا الاتىن پرەزيدەنتتىڭ بىرەگەي باعدارلاماسى كەشەندى ءارى ءبىرتۇتاس قۇجات دەپ سانايمىز»، - دەدى ك. ۆالتەر.
«ءوز تاراپىمنان مىنانى قوسا ايتىپ وتكىم كەلەدى - پاپەنبۋرگ فيرماسى كوپتەگەن جىلدار بويى قازاقستاننىڭ ارىپتەسى بولىپ كەلەدى. ءبىز كومپانيانىڭ قازاقستاندا ءتۇرلى جوبالارىن ىسكە اسىرۋ ارقىلى ونىڭ دامۋىنا ءوز ۇلەسىن قوسقانىن ماقتانىش ەتەمىز. اسىرەسە، استانا مەن بۋراباي اراسىنداعى 100 شاقىرىمدىق اۆتوباننىڭ قۇرىلىسىن ەرەكشە اتاپ وتكىم كەلەدى»، - دەپ اتاپ كورسەتتى ول.
ك. ۆالتەر پاپەنبۋرگ كومپانياسى بولاشاقتا پرەزيدەنت باعدارلاماسىن ىسكە اسىرۋ كەزىندە ەلدىڭ ودان ءارى دامۋى ءۇشىن ءبىلىمى مەن تاجىريبەسىن جۇمساۋدى وزىنە كورسەتىلگەن قۇرمەت دەپ قابىلدايتىنىن ءبىلدىردى.
