ساياسات ساحناسىنداعى ايەلدەردىڭ كيىمى
بۇلاي دەپ ۇلى بريتانيادا ەرەكشە كورمە ۇيىمداستىرعاندار ايتادى. ءسان تاريحىن سارالاۋشىلار ۇلكەن ساياساتقا ارالاسقان ايەلدەر قاۋىمىنىڭ كيىمدەرىن كوپشىلىك كورەرمەنگە پاش ەتتى. مارگارەت تەتچەردىڭ 1975- جىلى كونسەرۆاتيۆتى پارتيا باسشىسى بولعان كەزدە كيگەن كوستيۋمىن Mansfield ءسان ءۇيى جاساپ شىعارعان.
بۇل كيىم لوندونداعى مۋزەيلەردىڭ بىرىندە ويىپ تۇرىپ ورىن الدى. كورمە ۇلكەن ساياسات ساحناسىنا شىققان ايەلدەردىڭ ساندىك قۇشتارلىعىمەن قوسا بولمىس-ءبىتىمى جايىندا سىر شەرتۋ ماقساتىندا ۇيىمداستىرىلعان.
بۇگىندە بيلىك تىزگىنىن ۇستاعان ايەلدەر ەڭ الدىمەن كيىمىنىڭ وزىنە ىڭعايلى بولۋىن قالايدى. ماسەلەن گەرمانيا كانسلەرى انگەلا مەركەل تۋرا وزىنە لايىق ۇلگىسىن تاپقان. بەتتينا شەنباحتىڭ قولىنان شىققان ءۇش تۇيمەلى بلەيزەرلەر ونىڭ كيىمدەرىنىڭ ەڭ باستى اتريبۋتى.
كانسلەردە ونىڭ سان الۋان تۇستە تىگىلگەن تۇرلەرى بار. ءوز ۇستانىمىن كيىم ارقىلى بىلدىرگىسى كەلەتىندەردى تەك بيلىك باسىنداعىلارمەن شەكتەۋگە بولماس. بىردە عالامتور ارقىلى 65 فۋنت ستەرلينگكە ساتىپ العان كويلەكپەن دۇيىم جۇرتتىڭ الدىنا شىققان ۇلى بريتانيا پرەمەرىنىڭ زايىبى سامانتا كەمەروننىڭ بۇكىل ءسان الەمىن تاڭ قالدىرعانى بار.
اۆتورى: قاراكوز تۇرماعانبەت قىزى
24.kz
