بالالار ءۇيىنىڭ تاربيەلەنۋشىلەرى ەلباسى ن. نازاربايەۆ وقىعان مەكتەپتە بولدى - فوتو
«مۇراجاي ورنالاسقان عيمارات 1899-جىلى سالىنعان. وندا كەزىندە اباي اتىنداعى ورتا مەكتەپ ورنالاسقان بولاتىن. ەلباسى وسى ءبىلىم ورداسىندا وقىپ، 1957-جىلى اتتەستات العان»، - دەدى مۇراجايدىڭ ديرەكتورى ماريا قوجانوۆا.
ايتا كەتەلىك، «پرەزيدەنتكە سۇيىسپەنشىلىكپەن» دەپ اتالاتىن اتالمىش شارانى ق ر تۇڭعىش پرەزيدەنتى - ەلباسى قورى ۇيىمداستىرىپ وتىر.
«مۇراجايدا پرەزيدەنت ءومىرىنىڭ ءار ءتۇرلى كەزەڭدەرىنەن - مەكتەپ وقۋشىسىنان باستاپ، ەل تىزگىنىن قولىنا العان كەزگە دەيىنگى شاقتارىنان سىر شەرتەتىن جادىگەرلەر قويىلدى. ق ر تۇڭعىش پرەزيدەنتى كۇنىنە ورايلاستىرىلعان بۇل شارا بالالاردىڭ بويىندا وتانسۇيگىشتىك، ەلباسىنىڭ ءومىرى ارقىلى بەلسەندى ازاماتتىق ۇستانىم قالىپتاستىرۋعا باعىتتالعان»، - دەدى «قاراساي اۋداندىق ءبىلىم قورى» كورپوراتيۆتىك قورىنىڭ اتقارۋشى ديرەكتورى ەركىن يسرايلوۆ.
بالالار سونىمەن قاتار، جاڭادان اشىلعان اباي اتىنداعى مەكتەپ-ينتەرناتتىڭ مۇراجايىندا دا بولدى. ەكسكۋرسياعا قاتىسۋشىلاردىڭ ايتۋىنشا، ولارعا پرەزيدەنتتىڭ قانداي جاعدايدا ءبىلىم العاندىعى قاتتى اسەر ەتكەن. سوعان قاراماي، مەكتەپتە ۇزدىك وقىعاندىعىنا بالالار ءتانتى بولىستى.
