بيىل ەكىنشى جارتىلارىن تاۋىپ، وتاۋ تىككەن جۇلدىزدار

جولداسوۆتار وتباسىندا ۇلان اسىر توي. 600 دەن اسا ادامعا دۇركىرەتىپ توي جاساعان تانىمال سازگەر ۇلىقپان جولداسوۆ پەن جارى ايعان حانىم قۇدا-قۇداعي اتاندى.

جالعىز ۇلى بولات دانا ەسىمدى كەلىن ءتۇسىردى. تالاي انشىگە ءان جازعان  ۇلىقپاننىڭ اق كەلىنىنىڭ بەتىن رامازان ستامعازيەۆ اشتى. بەتاشاردى سىرتتان باقىلاپ، قوبالجىپ تۇرعان كۇيەۋ جىگىت مىڭداعان قىزدىڭ اراسىنان دانانى تاڭداپ الۋىنىڭ سەبەبىن ايتتى.

جىل باسىندا جىگىتتەر كۆارتەتىنىڭ ءانشىسى مىرزاحان قولىنا باق قۇسىن قوندىرعان ەدى. ودان سوڭ مادينا سادۋاقاسوۆا بيىلعى جىلدىڭ اقپان ايىندا تۇرمىسقا شىعىپ، كوپتى قۋانتقان بولاتىن. ونىڭ جۇرەگىن رەجيسسەر ولجاس ەسىمدى جىگىت باۋراپ العان ەدى. بۇگىندە جاس وتباسىنىڭ ءانۋار ەسىمدى ۇلى بار.

ال، بۇل سۇلۋ ارۋ ءانشى تالعات جورابايەۆتىڭ ميلليون قىزدىڭ اراسىنان تاڭداپ العان قالىڭدىعى. تالعات اپكەسى التىناي جورابايەۆا مەن ونىڭ وتباسىنا قاراعاندىلىق اياۋلىم ەسىمدى قىزدى كەلىن قىلىپ اكەلدى. جورابايەۆتار وتباسى تامىز ايىندا دۇركىرەتىپ توي جاساعان بولاتىن. قازىر جاس جۇبايلار تۇركيا ەلىندە بال ايلارىن وتكىزۋدە.

سيرك اكتەرى مۇرات مۇتىرعانوۆ نەكەلەرىن قيعان ەدى. مۇراتتىڭ تاڭداۋى الەسيا تيموشەنكو ەسىمدى ارۋعا تۇسكەن. بىرگە جۇمىس ىستەپ قانا جۇرگەن مۇرات پەن الەسيا اقىرىندا ءبىر-بىرىنە عاشىق بولىپ قالىپتى.

سونداي-اق ءانشى ەركىن نۇرجانوۆ بيىل قايتا ۇيلەندى. ءبىرىنشى وتباسىمەن نەكەسى ءساتسىز اياقتالعان ءانشى دينارا ەسىمدى بويجەتكەنمەن شاڭىراق كوتەردى. توي شىمكەنت قالاسىندا ءوتتى.

31 ارنا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى